नेपाल घुम्न जति सुन्दर छ, त्यति नै यहाँको खानपान पनि प्रसिद्ध छ । यहाँका परिकार स्वाद र परम्पराको अनुपम संयोजन हुन् । यसले मन र पेट दुवैलाई सन्तुष्ट बनाउँछन् । चाहे चाडपर्व होस्, विवाह–उत्सव होस् वा दैनिक भोजन नेपाली परिकारमा हरेक अवसर र स्वादका लागि केही विशेष अवश्य भेटिन्छ ।  

नेपालका केही चर्चित परिकार 
मोमो
नेपालको पहिचान बनिसकेको मोमो तिब्बती प्रभाव भएको परिकार हो । यो एक प्रकारको डम्पलिङ हो । यसमा तरकारी, पनीर वा मासुको भराइ गरिन्छ । मोमो भापमा पकाइन्छ र टमाटर, तिल र खुर्सानीबाट बनेको विशेष अचारसँग परोसिन्छ । आज मोमो नेपाल मात्र नभई भारत लगायत विभिन्न स्थानमा अत्यन्त लोकप्रिय छ ।

दाल–भात
यो नेपालको मुख्य तथा परम्परागत भोजन हो । यसमा भात र दालका साथै तरकारी, अचार र कहिलेकाहीँ मासु पनि समावेश हुन्छ । यो पौष्टिक तथा ऊर्जायुक्त भोजन हो । यसलाई प्रायः दिनमा दुई पटक खाने गर्छन् ।  

सेल रोटी
सेल रोटी नेपालको विशेष परम्परागत रोटी हो । यने चाडपर्व तथा विशेष अवसरमा तयार गरिन्छ । चामलको पिठोबाट बनाइने यो गोलाकार, कुरकुरे र मिठो रोटी बाहिरबाट क्रिस्पी र भित्रबाट नरम हुन्छ । यसलाई दही वा तरकारीसँग खाने गरिन्छ । विशेष गरी तिहारका बेला यसको स्वाद लिइन्छ ।

नेवारी खाजा सेट
यो परिकार काठमाडौं उपत्यकाको नेवारी संस्कृतिको महत्वपूर्ण अंश हो । यसमा चिउरा, मासु, बोडी, अचार, अण्डा तथा विभिन्न प्रकारका भुजिया समावेश हुन्छन् । स्वाद र परम्पराको उत्कृष्ट संयोजन मानिने यो परिकार विशेषगरी विवाह तथा चाडपर्वमा परोसिन्छ ।

थकाली खाना
थकाली समुदायको यो भोजन अत्यन्त प्रसिद्ध छ । यसमा दाल, भात, तरकारी, मासु, अचार र घ्यूको सन्तुलित संयोजन हुन्छ । थकाली थाली सन्तुलित स्वाद र सादगीका लागि परिचित छ । यो भोजन यात्रु तथा पर्यटकमाझ निकै लोकप्रिय छ ।

ढिँडो
ढिँडो नेपालको ग्रामीण तथा परम्परागत परिकार हो । यो विशेषगरी गाउँघरमा अझै पनि प्रचलित छ । यो कोदो वा फापरको पिठोबाट बनाइन्छ र देख्दा खिचडीजस्तो देखिन्छ । यसलाई दाल, तरकारी वा मासुसँग परोसिन्छ । ढिँडोलाई स्वास्थ्यवर्धक तथा ग्लुटेन–फ्री भोजनका रूपमा मानिन्छ ।

गुन्द्रुक
गुन्द्रुक किण्वित हरियो सागसब्जी हो । यसलाई नेपालको राष्ट्रिय परिकारका रूपमा पनि चिनिन्छ । यसलाई सुकाएर राखिन्छ र पछि सुप, तरकारी वा अचारका रूपमा प्रयोग गरिन्छ । यसको अमिलो स्वाद धेरैलाई मनपर्छ र यो पोषक तत्वले भरिपूर्ण हुन्छ ।