२७ असार २०८३, शनिबार
पाकिस्तानको दक्षिणी बन्दरगाह शहर कराचीको आवासीय भवनमा विस्फोट हुँदा ६ जनाको मृत्यु भएको छ । अन्य १२ जना घाइते भएका छन् ।
बिहीबार ग्याँस चुहावटबाट विस्फोट भएको उद्धार अधिकारीहरूले बताएका छन् ।
पहिलो तलामा भएको विस्फोटले भवनको आंशिक भाग क्षेतिग्रस्त भएको सरकारी उद्धार कार्यालयले विज्ञप्तिमार्फत जनाएको छ ।
विस्फोटको सूचना पाएपछि उद्धार टोलीहरू तुरुन्तै घटनास्थलमा पुगेको उल्लेख गर्दै उद्धारकर्ताहरूले खोजी अभियानका लागि सबै उपलब्ध स्रोतहरू प्रयोग गरेर पीडितहरूलाई भग्नावशेषबाट बाहिर निकालेको अधिकारीले बताएका छन् ।
प्रारम्भिक अनुसन्धानले सिलिन्डरबाट ग्याँस चुहावटका कारण विस्फोट भएको अनुमान गरेको प्रहरीले जनाएको छ ।
बालबालीकासहित घाइतेहरूलाई उपचारका लागि नजिकैको अस्पतालमा लगिएको जनाउँदै उद्धार टोलीहरूले भग्नावशेष मुनि कोही पनि फसेको छैन भनेर सुनिश्चित गर्न उत्खनन प्रयास जारी राखेको जनाएका छन् ।
