२२ असार २०८३, सोमबार
इरानका नयाँ सर्वोच्च नेता मोज्तबा खामेनी घाइते भएको समाचार सार्वजनिक भइरहेका बेला उनी सुरक्षित रहेको इरानी राष्ट्रपति मसुद पेजेश्कियानका छोरा युसेफ पेजेश्कियानले बताएका छन् ।
युसेफ पेजेश्कियानले सामाजिक सञ्जाल टेलिग्राममा लेख्दै सर्वोच्च नेता घाइते भएको भन्ने समाचार सुनेको बताएका छन् ।
उनले लेखेका छन्, ‘मैले सम्बन्धित सम्पर्क भएका केही साथीहरूसँग सोधेँ । उनीहरूले भने- भगवानको कृपाले उनी सुरक्षित छन्, कुनै समस्या छैन ।’
यसअघि नियुक्तिपछि खामेनीले कुनै सार्वजनिक वक्तव्य नदिएको र सार्वजनिक रूपमा देखापरेका पनि छैनन् भन्ने खबर सार्वजनिक भएको थियो ।
