२३ जेठ २०८३, शनिबार
दाङको घोराहीस्थित राप्ती स्वास्थ्य विज्ञान प्रतिष्ठानमा मुटुरोगको उपचार शुरू भएको छ ।
प्रतिष्ठानमा क्याथ ल्याब मेसिन स्थापना भएसँगैले मुटुरोगको उपचार सुरु गरिएको फिजिसियन तथा मुटुरोग विशेषज्ञ डा. दिनेश उप्रेतीले बताए ।
मङ्गलबार प्रतिष्ठानमा आएका रोल्पाका ५९ वर्षीय पुरुषको उपचार गरिएको हो । ती पुरुषको मुटु वरिपरि अत्यधिक पानी जम्मा भएको थियो ।
त्यसपछि प्रतिष्ठानको एमआरआई, सिटी स्क्यान, भिडियो एक्स–रे को सहयोगमा बिरामीको रोगको ‘डाइग्नोसिस’ गर्न सहज भएको उनले बताए ।
मुटु वरिपरि पानी धेरै नै जम्मा भएको पत्ता लागेपछि मुटुरोग विशेषज्ञ उप्रेतीको नेतृत्वमा तारको विधिबाट शल्यक्रिया गरेर निकालिएको हो ।
शल्यक्रियापछि बिरामीको अवस्था सामान्य भएकाले उनलाई घर पठाइएको छ । उप्रेतीका अनुसार मुटुरोगको उपचारका लागि प्रतिष्ठानले छुट्टै ओपीडी सञ्चालनमा ल्याएको छ ।
