२९ जेठ २०८३, शुक्रबार
भारतलाई तेस्रोपटक आईसीसीटी–२० विश्वकपको उपाधि जिताउने महत्त्वपूर्ण खेलाडीमध्येका एक हार्दिक पाण्ड्याविरुद्ध प्रहरीमा उजुरी परेको छ ।
भारतको राष्ट्रिय झण्डाको अपमान गरेको भन्दै उनीविरुद्ध उजुरी परेको समाचारमा जनाइएको छ । फाइनलमा न्युजिल्यान्डलाई हराउँदै उपाधि चुमेपछि सबै भारतीय खेलाडीले आ–आफ्नै तरिकाले खुसीयाली मनाएका थिए ।
अहमदाबादस्थित नरेन्द्र मोदी स्टेडियममा हार्दिक पाण्ड्या पनि पनि आफ्नी प्रेमिकासँग खुसीयाली मनाउन र तस्वीर खिचाउन व्यस्त थिए । उनले आफ्नो पिठ्युँमा भारतको राष्ट्रिय झण्डा बेरेका थिए ।
खुसीयाली मनाउने क्रममा उनी राष्ट्रिय झण्डासँगै स्टेजमा सुतेका थिए । सोही विषयलाई लिएर पुणेका एक अधिवक्ताले राष्ट्रिय झण्डाको अपमान गरेको भन्दै पाण्ड्याविरुद्ध उजुरी दर्ता गरेका हुन् ।
‘यो राष्ट्रिय झण्डाको अपमान हो । त्यसैले मैले देशको राष्ट्रिय झण्डा ऐन–१९७१ को दफा २ अनुसार उनीविरुद्ध प्रहरीमा उजुरी गरेको हुँ,’ अधिवक्ता वाजिद खानले भनेका छन् । पाण्ड्याविरुद्ध शिवाजी नगर प्रहरी कार्यालयमा उजुरी दर्ता गरिएको जानकारी वाजिद खानले दिए ।
