१४ असार २०८३, आइतबार
मकवानपुरमा भरूवा बन्दुकसहित एक जना पक्राउ परेका छन् ।
पक्राउ पर्नेमा बागमती गाउँपालिका-९ बेतिनी बस्ने ५७ वर्षीय सन्त कुमार प्रजापति छन् । उनलाई भरूवा बन्दुक १ थानसहित गएराति प्रहरीले पक्राउ गरेको जनाएको छ ।
सन्तकुमारको घरमा भरूवा बन्दुक लुकाई छिपाई राखेको भन्ने सूचनाको आधारमा इलाका प्रहरी कार्यालय फापरबारीबाट खटिएको प्रहरीले घर तलासी गर्दा उक्त बन्दुक फेला पारी उनलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
