२२ जेठ २०८३, शुक्रबार
विशेष महाधिवेशनबाट नयाँ नेतृत्व चयन भएसँगै शुरू भएको नेपाली कांग्रेसको विवाद चुनावपछि फेरि चर्किएको छ ।
प्रतिनिधि सभा निर्वाचनमा पार्टी पराजयसँगै पुरानो संस्थापन पक्षले विशेष महाधिवेशनको औचित्य सकिएको भन्दै समानान्तर बैठक बोलाउने तयारी गरेको छ ।
विशेष महाधिवेशनबाट आएको नेतृत्वलाई माघ ४ मा निर्वाचन आयोगले आधिकारिता दिएपछि शेरबहादुर देउवा पक्षका नेता समेत गगन थापाले हस्ताक्षर गरेको टिकट लिएर चुनाव लड्न गएका थिए ।
चुनावमा पराजयपछि पुरानो संस्थापनका नेताहरूले गगनविरुद्ध घेराबन्दी शुरू गरेका छन् ।
चुनावमा पराजयको जिम्मा लिँदै गगनले सभापति पदबाट दिएको राजीनामा केन्द्रीय समितिले अस्वीकार गरेपछि मंगलबारको बैठकमा थापा सहभागी हुँदैछन् ।
उनले जारी केन्द्रीय समिति बैठकबाट १५ औं महाधिवेशनको मिति घोषणा गर्ने तयारी गरिरहेका छन् ।
पूर्णबहादुर शेखर पक्षले केन्द्रीय समिति बैठक बोलाउने तयारी गर्दैगर्दा गगन थापाको रणनीति के हुनेछ ?
चुनाव लगत्तै कांग्रेस विवाद किन बल्झियो ?
देउवा–पूर्णबहादुर खड्का–शेखर कोइराला समूहले समानान्तर बैठक बोलाए गगन थापाले के गर्छन् ?
कांग्रेसको नियमित महाधिवेशन कहिले हुन्छ ?
१५ औं महाधिवेशनपछि कांग्रेसको नेतृत्व कसले गर्छ ?
यी लगायत समसामयिक विषयमा कांग्रेस केन्द्रीय सदस्य मधु आचार्यसँग गरिएको कुराकानी हेर्नुहोस्, भिडियोमा:
