३० जेठ २०८३, शनिबार
आमा अर्थात्, शब्द दुई अक्षर ।
आजीवन माया प्रेम, हर प्रहर ।
आमा तिमी, सन्तानको धरोहर ।
वात्सल्य र मातृत्वको सदैव बहार ।
आमा तिमी जीवनको, अमूल्य उपहार ।
तिम्रो उपस्थिति मात्र पनि, सदाबहार ।
अनेक रूप रंग छ तिम्रो, माया बराबर।
भूमिका अलग तर, सन्तान शिरोपर।
आमा मानौं परिवार, घर सदैव उजागर ।
तिमी छौँ एक मात्र, जीवनको बहार ।
आमा तिम्रो आर्शिवादले, प्रसन्न मुहार।
तिम्रा कृपाले हर्षित छु, हर प्रहर ।
आमा तिमी खुसी रहनु, दिनु आर्शीवाद ।
हाम्रा लागि सधैं मार्दछौँ आफ्ना रहर।
दिर्घायू तिम्रो रहोस् सदा खुसीको बहार ।
आमा, माता, जननि, नाम माया सरोबर ।
आजीवन माया, स्नेह हर्षित मुहार ।
आमा हाँसी राख मात्र यही तिमीलाई उपहार ।
