२२ असार २०८३, सोमबार
इरानी विदेशमन्त्री अब्बास अराघची रूसको भ्रमण पूरा गरेर मंगलबार इस्लामाबाद आइपुगेका छन् । यो पछिल्लो ४८ घण्टामा उनको पाकिस्तानको तेस्रो भ्रमण हो । उनले यसअघि मध्यपूर्वमा जारी द्वन्द्वबारे रुसी राष्ट्रपति भ्लादिमिर पुटिनसँग ९० मिनेट कुराकानी गरेका थिए।
अमेरिकी विदेशमन्त्री मार्को रुबियोले इरान अमेरिकासँग सम्झौता गर्न गम्भीर रहेको बताएका छन्। फक्स न्यूजसँगको अन्तर्वार्तामा रुबियोले इरानले हालको संकटबाट बाहिर निस्कने बाटो खोज्न चाहेको उनको विश्वास छ । यद्यपि, रुबियोले कुनै पनि सम्झौताले इरानलाई आणविक हतियार विकास गर्न अनुमति नदिने बताए।
उनले इरानको आर्थिक अवस्था निरन्तर बिग्रँदै गएको बताए । मुद्रास्फीति, कर्मचारीहरूलाई तलब दिन कठिनाइ र प्रतिबन्धहरू यथावत छन् । द्वन्द्व शुरू हुनुभन्दा पहिले इरानले सामना गरेका समस्याहरू अझै पनि छन् र धेरैजसो बिग्रिएका छन् ।
रुबियोले अमेरिकाले होर्मुजको जलमार्गलाई इरानको बन्धक बन्न नदिने बताए । उनका अनुसार होर्मुज एक अन्तर्राष्ट्रिय जलमार्ग हो । यदि जहाजहरूले इरानको अनुमति लिनु पर्यो, पैसा तिर्नु पर्यो वा धम्की सामना गर्नु पर्यो भने, यसलाई खुला बाटो मान्न सकिँदैन ।
रिपोर्टहरूका अनुसार, इरानले अमेरिकालाई पहिले युद्ध अन्त्य गर्न र प्रतिशोधात्मक आक्रमणहरू पुनरावृत्ति नहुने ग्यारेन्टी गर्न आग्रह गरेको छ । त्यसपछि थप वार्ता हुन सक्छ ।
