अख्तियार दुरुपयोग अनुसन्धान आयोगले रौतहट जिल्ला अदालत, गौरमा कार्यरत डिट्ठा लवकुमार सिंहविरुद्ध भ्रष्टाचार मुद्दा दायर गरेको छ ।

जग्गा फुकुवा गराई दिएबापत सेवाग्राहीसँग ५० हजार रुपैयाँ घुस लिएको आरोपमा पक्राउ परेका सिंहविरुद्ध सोमबार विशेष अदालतमा मुद्दा दायर गरिएको आयोगका प्रवक्ता सुरेश न्यौपानेले जानकारी दिए ।

जग्गा फुकुवाका लागि सेवाग्राहीसँग घुस मागेको सूचनाका आधारमा आयोगको हेटौंडा कार्यालयबाट खटिएको टोलीले उनलाई घुससहित पक्राउ गरेको थियो ।

आयोगले उनीविरुद्ध ५० हजार रुपैयाँ बिगो कायम गरी कैद र बिगो बमोजिम जरिवानाको मागदाबी गरेको छ ।