२८ जेठ २०८३, बिहीबार
सरकारी लगानी व्यवस्थापन समितिको सदस्यमा प्रतिनिधिसभाका २ जनालाई मनोनयन गरेको छ ।
बुधबार बिहान बसेको मन्त्रिपरिषद् बैठकले प्रतिनिधिसभा सदस्य सुशील खड्का- बागलुङ र योगेश गौचन थकाली- मुस्ताङलाई सरकारी लगानी व्यवस्थापन समितिको सदस्यमा मनोनीत गरेको हो ।
यस्तै, मन्त्रिपरिषद् बैठकले नेपाल सरकार (कार्य विभाजन) नियमावली, २०८३ स्वीकृत गर्ने निर्णय गरेको छ ।
यस्तै, बैठकले विद्युतीय सुशासन आयोग गठन तथा सञ्चालन आदेश, २०७९ को संशोधन स्वीकृत गरेको छ ।
यस्ता छन् मन्त्रिपरिषद् बैठकका मुख्य निर्णयहरू:
१. नेपाल सरकार (कार्यविभाजन) नियमावली, २०८३ स्वीकृत गर्ने ।
२. विद्युतीय सुशासन आयोग गठन तथा सञ्चालन आदेश, २०७९ को संशोधन स्वीकृत गर्ने ।
३. सरकारी लगानी व्यवस्थापन समितिको सदस्यमा प्रतिनिधि सभाका सदस्य माननीय सुशील खड्का, बागलुङ र माननीय योगेश गौचन थकाली, मुस्ताङलाई मनोनयन गर्ने ।
४. भूमिसम्बन्धी (एक्काइस औँ संशोधन) नियमहरू, २०८३ स्वीकृत गर्ने ।
