२८ जेठ २०८३, बिहीबार
आईसीसी क्रिकेट विश्वकप लिग–२ शृंखलामा शनिबार जारी अमेरिकाविरुद्धको खेलमा नेपाली टोलीका ओपनर ब्याट्सम्यान आसिफ शेखले पनि अर्धशतक बनाएका छन् ।
आसिफ शेखले ६७ बलको सामना गरी सात चौकाको मद्दतले ५१ रन बनाएका हुन् । २४ वर्षीय आसिफ शेखले एकदिवसीय अन्तर्राष्ट्रिय क्रिकेटमा बनाएको यो १५ औं अर्धशतक हो ।
कुशल भुर्तेल र आसिफ शेखले २३.२ ओभरमा ओपनिङ विकेटका लागि एक सय २० रनको साझेदारी गरिसकेका छन् । यसअघि कुशलले पनि अर्धशतक पूरा गरेका थिए ।
एकदिवसीय अन्तर्राष्ट्रिय क्रिकेटमा कुशलले १० औं अर्धशतक प्रहार गरेका हुन् । कुशल भुर्तेल ६८ रन बनाउँदै क्रिजमा छन् ।
कीर्तिपुरस्थित अन्तर्राष्ट्रिय क्रिकेट मैदानमा अमेरिकाले दिएको एक सय ९६ रनको लक्ष्य पछ्याउँदै नेपालले जवाफी ब्याटिङ गरिरहेको छ ।
टोलीको हौसला बढाउन सरकारको प्रवक्तासमेत रहेका शिक्षा तथा खेलकुदमन्त्री सस्मित पोखरेल पनि कीर्तिपुर रंगशालामा उपस्थित छन् ।
