सरकारले काठमाडौंको समग्र शहरी विकासअन्तर्गत विद्युतीय सार्वजनिक बस सञ्चालनसहित स्मार्ट अर्बन मोबिलिटी कार्यक्रम अघि बढाउने घोषणा गरेको छ ।

प्रतिनिधिसभा र राष्ट्रिय सभाको संयुक्त बैठकमा आगामी आर्थिक वर्ष २०८३/०८४ को बजेट प्रस्तुत गर्दै अर्थमन्त्री स्वर्णिम वाग्लेले काठमाडौंमा चार्जिङ स्टेसन, ट्र्याकिङ प्रणाली र स्मार्ट बस पार्कसहितको शहरी यातायात प्रणाली विकास गरिने जानकारी दिए ।

यस्तै, पोखरा उपत्यकामा पनि सार्वजनिक बसलाई विद्युतीय बसले प्रतिस्थापन गर्ने गरी इ–मोबिलिटी प्रणाली विकास गरिने घोषणा गरिएको छ ।