२३ जेठ २०८३, शनिबार
जटिल प्रसूति समस्या देखिएपछि रुकुम पश्चिमकी एक महिलालाई थप उपचारका लागि नेपाली सेनाको हलिकप्टरमार्फत उद्धार गरिएको छ ।
महिला, बालबालिका, लैङ्गिक तथा यौनिक अल्पसङ्ख्यक तथा सामाजिक सुरक्षा मन्त्रालयले राष्ट्रिय महिला सशक्तीकरण परियोजनाअन्तर्गत सञ्चालन गरेको गर्भवती तथा सुत्केरी महिलाको हवाई उद्धार कार्यक्रममार्फत उनको उद्धार गरिएको सेनाले जनाएको छ ।
सेनाका अनुसार यही जेठ २१ गते मुसिकोट नगरपालिका–१४ निवासी एक महिलामा जटिल प्रसूति समस्या देखिएपछि थप उपचारका लागि नेपाली सेना को हवाई साधनमार्फत कर्णाली प्रदेश अस्पताल पुर्याइएको हो ।
दुर्गम क्षेत्रका गर्भवती तथा सुत्केरी महिलालाई समयमै स्वास्थ्य सेवा उपलब्ध गराउने उद्देश्यले सञ्चालन गरिएको उक्त कार्यक्रमअन्तर्गत आवश्यक परे हवाई उद्धारको व्यवस्था गरिएको छ।
