अमेरिका र इरानबीचको बढ्दो तनावले फेरि एक पटक विश्वव्यापी तेल बजारलाई असर गरेको छ । अमेरिकी आक्रमणपछि मंगलबार कच्चा तेलको मूल्य लगभग १ प्रतिशतले बढेको अन्तर्राष्ट्रिय सञ्चार माध्यमहरूले जनाएका छन् । 

ब्रेन्ट क्रुड ८३ सेन्ट अर्थात् ०.९प्रतिशतले बढेर प्रति ब्यारेल ९२.२९ डलर पुगेको छ। यसैबीच, अमेरिकी डब्ल्यूटीआई कच्चा तेल ६८ सेन्ट अर्थात् ०.८ प्रतिशतले बढेर प्रति ब्यारेल ८८.९७ डलरमा व्यापार भएको छ।

यसअघि, तेलको मूल्य सात हप्ताको न्यूनतम बिन्दुमा पुगेको थियो । यद्यपि, पश्चिम एसियामा बढ्दो तनाव र स्ट्रेट अफ होर्मुजसँग सम्बन्धित जोखिमले बजारलाई फेरि माथि ल्याएको छ ।