नाडा अटोमोबाइल्स एसोसिएसन अफ नेपालले आफ्नो स्थापनाको ५० वर्ष पूरा भएको अवसरमा स्वर्ण उत्सव मनाउने भएको छ । 

नाडाले असार १३ गतेदेखि १९ गतेसम्म काठमाडौंसहित देशका सातै प्रदेशमा सप्ताहव्यापी विभिन्न कार्यक्रम आयोजना गर्ने जनाएको छ ।

स्वर्ण उत्सवको विशेष कार्यक्रमअन्तर्गत असार १३ गते शनिबार त्रिपुरेश्वरस्थित दशरथ रङ्गशालादेखि दरबारमार्गस्थित होटल याक एन्ड यतिसम्म ‘स्वर्ण उत्सव विशेष वाकाथन’ आयोजना गरिनेछ । सोही दिन होटल याक एन्ड यतिमा स्वर्ण उत्सवको विशेष समारोहसमेत आयोजना हुने नाडाले जनाएको छ । 

नाडाका अनुसार वाकाथन कार्यक्रम असार १३ गते बिहान ६ बजे दशरथ रङ्गशाला, त्रिपुरेश्वरबाट शुरू हुनेछ ।