पुस २५, २०८०
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
बैशाख ३, २०७५
काठमाडौं, ३ वैशाख- साउदी अरेबियाको 'अल औदा' कम्पनीमा मजदूरी गर्न गएका १७ नेपाली कामदार विगत आठ महिनादेखि अलपत्र परेका छन् ।
काठमाडौँस्थित 'मसरिक इन्टरनेशनल ओभरसिज'मार्फत करीब तीन वर्षअघि उनीहरू साउदी पुगेका थिए । कम्पनी र कामदारबीच भएको दुईवर्षे श्रम सम्झौता सकिए पनि कम्पनीले पासपोर्ट नदिएपछि उनीहरू घर फर्किन पाएका छैनन् । विगत ८ महिनादेखि उद्धारको पर्खाइमा बसिरहेका छन् ।
आफूलाई पठाउने म्यानपावर सञ्चालकलाई उद्धारका लागि पहल गर्न बारम्बार फोन गर्दा सञ्चालकले एयरपोर्टबाटै गायब बनाइदिने धम्की दिएको वैदेशिक रोजगार विभागमा भेटिएका पीडित सोनाम लामाका दाइ ज्ञानबहादुर लामाले लोकान्तरलाई बताए । उनका अनुसार भाइ सोनाम अन्य १६ जनासंगै २०७२ सालको जेठमा मजदूरीका लागि साउदी पुगेका थिए । दुईवर्षे सम्झौता अवधिभित्र पनि उनीहरूले नेपालबाट तोकेर पठाएको तलब र अन्य सुविधा पाएका थिएनन् । सम्झौता अवधि सकिएपछि उनीहरूलाई पासपोर्ट नदिएर कम्पनीले अलपत्र पारेको हो । खर्चको अभावले उनीहरू भोकै बस्न बाध्य छन् ।
अर्का पीडित बुद्धि गुरुङकी श्रीमती टीकाकुमारी गुरुङ तीन वर्षकी छोरी लिएर वैदेशिक रोजगार विभागको कार्यालय धाइरहेकी छन् । उनका अनुसार दुई वर्षसम्म श्रीमानले महिनाको दश/बाह्र हजार पठाउने भए पनि विगत ८ महिनादेखि एक पैसा पनि पठाएका छैनन् । उल्टै उता श्रीमान् अलपत्र परेको खबरले उनी मर्माहत छिन् ।
‘अखिल नेपाल वैदेशिक रोजगारपीडित तथा परामर्श संघ’ले पनि उद्दारको लागि निरन्तर पहल गरिरहेको बताएको छ । अलपत्र परेका १७ जनालाई पठाउने म्यानपावर कम्पनिमा ताला लगाउनुपरे पनि आफू पछि नहट्ने महासचिव पर्वतराज निरौलाले बताए ।
पीडितका आफन्तले उद्धारका लागि वैदेशिक रोजगार विभागबाट वैशाख तीन गते नै कुनै निर्णय हुनुपर्ने, म्यानपावर सञ्चालकलाई बोलाएर स्पष्टिकरण लिइनुपर्ने जस्ता मागहरू राखेर वैदेशिक रोजगार विभाग राहत तथा उद्धार शाखाका निर्देशक शशिकुमार लम्सालको कार्यकक्ष घेरेका थिए ।
निर्देशक लम्सालले म्यानपावर सञ्चालकलाई अबको १५ दिनभित्र उद्धार गरेर पीडितहरूलाई नेपाल नझिकाए म्यानपावरको इजाजत खारेज गरिदिने बताएका छन् ।
साउदीस्थित नेपाली दूतावासले पनि उद्धारका लागि कुनै पहल नगरेको पीडितका आफन्तको आरोप छ । साउदीको कानुनअनुसार श्रम सम्झौता सकिएको ७२ घण्टाभित्र कामदारहरूलाई फिर्ता पठाइसक्नु पर्ने हुन्छ, तर सो कम्पनीले एकैचोटी त्यति कामदार घर पठाउन धेरै खर्च लाग्ने भन्दै आफ्नो व्यवस्था आफैँ गर भनेर त्यहाँकै कानुनको उल्लङ्घन गरिरहेको जस्तो देखिन्छ ।
सम्झौताअवधि सकिएपछि कम्पनीले सञ्चयकोषमा रहेको रकम र जहाजको टिकट दिएर कामदार फर्काउनुपर्छ ।
यो विषयमा म्यानपावर सञ्चालक अर्जुन तामाङसंग सम्पर्क गर्दा, साउदीस्थित अल औदा कम्पनीले आफू र कामदारहरूलाई धोका दिएको बताए । सम्झौता अवधि सकिएर पासपोर्ट नपाएका कामदारहरूको उद्धारका लागि आफू पनि लागेको र आफ्नै पहलमा वैदेशिक रोजगार विभागमार्फत् सम्बन्धित देशको दूतावासलाई त्यहाँको अवस्था बुझ्न र पासपोर्ट फिर्ता गराउन कानूनी पहल थाल्न दबाब दिएको कुरा तामाङ बताउँछन् ।
पीडितहरूलाई एयरपोर्टबाटै गायब गरिदिने धम्की आफूले नदिएको उनको प्रष्टोक्ति छ । तर पीडितका एक आफन्तले धम्की दिएको अडियो क्लिप लोकान्तरकर्मीलाई सुनाएका थिए ।
आवाज तामाङको भए नभएको भने पुष्टि भएको छैन ।
उद्धारको पर्खाइमा रहेका नेपालीहरू:
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...