माघ ५, २०८०
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
बैशाख १४, २०७५
काठमाडौं, १४ वैशाख– कलंकी–नागढुंगा सडकखण्डको सडक छेउमा व्यापार गर्दै आएका सुरेन्द्र श्रेष्ठ पसलमा बस्दा सधैँ मास्क लगाएर बस्छन् । उनले सतुंगलमा किराना पसल सञ्चालन गर्न थालेको २० वर्ष भयो । कलंकी–नागढुंगा सडक खण्ड विस्तारको काम शुरु भएदेखि उनको काम व्यापारभन्दा पनि बढार्ने बढी भएको छ । बिहीबार त्यहाँ पुग्दा उनी पसलअगाडि कुचो बोकेर बसिरहेका थिए ।
‘पसलमा मान्छे आउँदैनन्, धुलो मात्रै आउँछ । यही धुलो बढार्दैमा दिन जान्छ,’ उनले लोकान्तरसँग भने, ‘दिनमा चार–पाँचपटक बढार्दा पनि धुलो जाँदैन । सडक बनाउने भनेका थिए, सधैँ भत्काएको मात्र देख्छु, दुई वर्षभन्दा बढी हुन लागिसक्यो ।’ धुलोको कारण स्वास्थ्यमा प्रतिकुल असर परिसकेको उनले सुनाए । ‘पसलमा मात्रै होइन, कोठामा पनि धुलो पस्छ,’ उनले भने, ‘श्वास फेर्न पनि गाह्रो छ, सुत्दा समेत मास्क लगाउनुपर्ने अवस्था आइसक्यो ।’
साढे दुई वर्षमा सम्पन्न गर्ने लक्ष्यका साथ २०७१ साउनबाट निर्माण थालिएको कलंकी–नागढुंगा सडक अलिहेसम्म निर्माण सम्पन्न हुन सकेको छैन ।
चार लेनको सडक, बीचमा ग्रीन बेल्ट र सडकको दुवैतर्फ साइकल लेन हुने भनिएको उक्त सडक खण्डमा ठूला–ठूला खाल्डा मात्रै छन् । धुलो र खाल्डाखुल्डी सडकका कारण यात्रुहरू घण्टौंसम्म जाममा पर्ने गरेका छन् ।
बाटो नै नदेखिने गरी धुलो उड्दा सवारीचालकहरू यो क्षेत्रमा दिउँसै लाइट बालेर सवारी चलाउँछन् । धुलोका कारण ट्राफिक प्रहरीलाई ट्राफिक व्यवस्थापन गर्न समेत हम्मेहम्मे पर्छ ।
‘धुलोका कारण बाटोको अवस्था दयानीय छ, धुलोले बाटो देखिँदैन, अत्यधिक जाम हुन्छ, ट्राफिक व्यवस्थापन गर्न निकै गाह्रो छ,’ ड्यूटीमा रहेका ट्राफिक प्रहरी सुरज थापाले भने, ‘खोकी लागिरहन्छ, छाती दुख्छ, यस्तो धुलोमा काम गर्नुपर्दा स्वास्थ्य त कसरी राम्रो हुन्छ ? धुलोधुँवा भन्न पाइएन हाम्रो समस्या कस्ले बुझिदिन्छ र ?’
सडक खण्डको छेउछाउमा बस्ने र दैनिक पैदल हिड्नुपर्ने स्थानीयको दैनिकी झनै कष्टपूर्ण बनेको छ ।
‘थोरै अगाडिसम्म जान लागेको निकै धुलो छ, धुलोले आँखा पनि हेर्न सकिन्न,’ थानकोटमा पैदल हिँड्दै गरेकी लक्ष्मी श्रेष्ठले भनिन्, ‘अलिकति हिँड्दा पनि कपडा धुलाम्मे हुन्छ, घरमा पनि उत्तिकै धुलो छ, राम्रोसँग श्वास फेर्न पनि पाएका छैनौं ।’
हेर्नुहोस्, भिडियो :
थप तस्वीरहरू :
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...