०३ साउन २०८३, आइतबार
काठमाडौं, ४ असार – फूटबल विश्वकपमा सहभागी इरानी टोलीलाई अमेरिकी जुत्ता कम्पनी नाइकीले आफ्नो सामान नदिने घोषणा गरेको छ । अमेरिकाले इरानमाथि लगाएको प्रतिबन्धलाई पालन गरेर नाइकीले सामान नदिने भएको हो ।
कम्पनीले बयान जारी गर्दै प्रतिबन्धका कारण सामानको आपूर्ति इरानीहरूलाई गर्न नसकिएको बतायो ।
तर शुक्रवारको खेलमा इरानले मोरक्कोलाई १–० ले हराएपछि इरानी प्रशंसकहरूले ‘नाइकी, हामीहरू तिमी विना पनि म्याच जित्न सक्छौं’ भनी नारा लगाए ।
यही नारालाई समातेर इरानीहरूले ट्विटरमा लेख्न थाले, ‘नाइकी हामीहरूले तिमीविना पनि भर्खरै गरेर देखायौं ।’ नाइकीको जस्ट डु इट अर्थात् गरिहाल भन्ने मोट्टोलाई समातेर उनीहरुले यस्तो नारा बनाएका हुन् । यो इरानमा भाइरल भयो ।
इरानले विश्वकप खेलमा दोस्रो म्याच जितेको हो । यसअघि सन् १९९८ मा उसले अमेरिकालाई हराएको थियो ।
बीबीसीबाट
