२७ असार २०८३, शनिबार
काठमाडौं– भारतीय वायुसेवाका कमाण्डर अभिनन्दन बर्धमान भारत फर्केसँगै अस्पतालमा भर्ना भएका छन् । वायुसेनामा पठाउनुअघि उनलाई सामान्य बनाउने कोशिश स्वरुप अस्पतालमा भर्ना गरिएको हो ।
३५ वर्षीय अभिनन्दनलाई शुक्रबार राति पहिले एयर फार्स सेन्ट्रल मेडिकलमा स्वास्थ्य परीक्षण गरिएको थियो । त्यहाँ शारीरिक र मानसिक अवस्थाको जाँच भएको थियो ।
त्यसपछि उनलाई रिसर्च एन्ड रेन्फरल अस्पतालमा भर्ना गरिएको छ । त्यहाँ उनलाई रक्षामन्त्री निर्मला सीतारमणले भेटेका छन् । सरकारी सुत्रका अनुसार पाकिस्तानी सेनाको नियन्त्रणमा रहदाँ अभिनन्दनले मानसिक उत्पीडनको सामना गर्नु परेको बीबीसी हिन्दीले जनाएको छ । तर, त्यो प्रताडित गर्ने खालको थिएन ।
अभिनन्दनलाई भारत फिर्ता गर्नुअघि एउटा भिडियो बनाइएको थियो । उक्त भिडियोलाई पाकिस्तानको प्रोपोगाण्डा भएको बतायइको छ । उनी ६० घण्टा पाकिस्तानी सेनाको नियन्त्रणमा रहेका थिए । उनी सवार लडाकु विमान पाकिस्तानी सेनाले सीमा रेखा नजिकै खसालेको थियो र उनलाई नियन्त्रणमा लिएको थियो ।
