२२ असार २०८३, सोमबार
भारतको सर्वोच्च अदालतले अयोध्याको विवादास्पद भूमिमा राम मन्दिर बनाउनका लागि बाटो खोलिदिएपछि कारसेवकहरूले उत्तर प्रदेशका पुरुष र जनकपुरका महिलाबीच वैवाहिक सम्बन्धका लागि आह्वान गरेका छन् ।
उत्तर प्रदेशको मेरठ, सहारनपुर, अयोध्या र लखनउ, बिहारको सीतामढी र मध्य प्रदेशको भोपालका १०८ युवकहरूले यस समारोहका लागि नाम लेखाएको विश्व हिन्दू परिषद्को एक भगिनी संगठन धर्मयात्रा महासंघले जनाएको छ ।
यस समारोहलाई श्री राम जानकी विवाह बारात यात्रा नाम दिइएको छ । जन्ती र विवाहका विधिहरू १३ दिन लगाएर पूरा गरिनेछ र त्यसमा तिलकोत्सव, कन्या पूजनहरू गरिनेछ । बिहीवारदेखि शुरू हुने यो समारोह अयोध्याको कारसेवकपुरमबाट आरम्भ गरिनेछ ।
द टाइम्स अफ इन्डियाबाट
