ओटीटी प्लाटफर्म डिगो सरकारबाट इजाजत पाउने नेपालको पहिलो ओटीटी सेवा प्रदायक बनेको छ । डिसहोम डिजिटल प्रालिअन्तर्गत सञ्चालित यो ओटीटीले सोमबार इजाजत पाएको सूचना तथा प्रसारण विभागले जनाएको छ ।

१ करोड दस्तुरसहित कागजी प्रक्रिया पुर्‍याएर डिगोले इजाजत पत्र बुझेको हो । नेट टिभी प्रालि र एनसेलले पनि इजाजतका लागि निवेदन दिएका छन् ।

ओटीटीलाई कानूनी दायरामा ल्याउने योजनासहित सरकारले हालै राष्ट्रिय प्रसारण नियमावलीको संसोधन राजपत्रमा प्रकाशित गरेको थियो । डिगोले अहिले फिफा विश्वकप २०२६ पनि लाइभ स्ट्रिमिङ गरिरहेको छ ।

यसबाहेक, यो ओटीटीले फिल्म, वेब सिरिज, टिभी कार्यक्रम, लाइभ, खेलकुद, डकुमेन्ट्रीलगायत डिजिटल सामग्री पनि देखाउँदै आइरहेको छ ।

आधिकारिक विश्वव्यापी ओटीटी स्ट्रिमिङ अधिकारसहित सञ्चालन हुनु नेपाली डिजिटल मनोरञ्जन उद्योगका लागि महत्वपूर्ण उपलब्धि रहेको कम्पनीले जनाएको छ।