२७ असार २०८३, शनिबार
आजभन्दा ४० लाख वर्षअघिको मानव पूर्खाको अनुहार कस्तो थियो भनी अब थाहा पाउन सकिने भएको छ । वैज्ञानिकहरूले प्राचीन मानव अनुहारको संरचना रिक्रीएट गरेका छन् ।
यो अस्ट्रालोपिथेकस एनामेनसिस भनी चिनिने प्रजातिका मानवको अनुहार हो ।
सन् २०१६ मा इथियोपियामा साबुत अवस्थामा भेटिएको सानो खप्परका आधारमा अनुहार बनाइएको हो ।
अनुसन्धानकर्ताहरूले वयस्क पुरुषको खप्पर फेला पारेका हुन् । लाम्चो र साँघुरो खप्परमा सानो मस्तिष्क भएको पत्ता लागेको हो ।
तर उक्त प्रजातिको गालाको हाड उठेकाले अनुहार आधुनिक मानवको जस्तो देखिन्छ ।
एनामेनसिस अस्ट्रालोपिथेकस जिनसको सबभन्दा पुरानो सदस्य हो । हाम्रो पूर्खा होमो सेपियन्स यही समूहबाट विकसित भएको विश्वास गरिन्छ ।
अहिले पत्ता लागेको खप्परलाई अनौपचारिक रूपमा एमआरडी नाम दिइएको छ र मानव विकासको आइकनका रूपमा यसलाई लिइएको छ ।
