×

NMB BANK
NIC ASIA

कोरोना संकट

ग्राउन्ड जिरो ४ : एपीएफ अस्पताल आईसीयू नम्बर १– ‘डाक्टरसा'ब, मेरो भगवान तपाईं हो’

जेठ ६, २०७८

NTC
Sarbottam
Premier Steels
Marvel

सशस्त्र प्रहरी अस्पतालको सिंगल आईसीयू क्याबिन नम्बर १, जहाँ एक महिला कोरोना संक्रमणसँग लडिरहेकी छिन् । उनलाई (सोमवार) भेन्टिलेटरबाट आईसीयूमा सारिएको थियो । 

Sagarmatha Cement
Muktinath Bank

नाकमा अक्सिजन लगाइएको छ । हार्टबिट १०० र अक्सिजन लेभल ९० छ । नर्सहरूले उनलाई सेकेन्ड-सेकेन्डमा हेरिरहेका छन् ।


Advertisment
RMC TANSEN
IME BANK INNEWS
shivam ISLAND

त्यही बीचमा सशस्त्र प्रहरी अस्पतालका आईसीयू  डीएसपी डा. सौरभ श्रेष्ठ र  डा. रोशनकुमार झा आईसीयू बेड नम्बर १ मा छिरे ।


Advertisment
Nabil box
Kumari

डाक्टरहरूलाई देख्नेबित्तिकै बेडमा रहेकी अन्दाजी ५५ वर्षीया महिलाले डा. झा र डा. सौरभको हात समाउँदै भनिन्, ‘मैले हजुरहरूलाई दुःख दिएँ है ।’

Vianet communication
Laxmi Bank

‘हैन हामीलाई दुःख हुँदैन, तपाईंहरूको सेवामा खटिएका हौं’, डा. द्वयले जवाफ फर्काए ।

‘ती महिलाले थपिन्, मेरो ज्यान बचाइदिनुभयो, तपाईं‌हरू मेरो भगवान् हो ।’

डाक्टरहरू आएको देखेपछि उनको आँखामा शुरूबाटै केही चमक थियो ।

‘म घर जाने, मलाई पठाइदिनुपर्‍यो,’ उनले डाक्टरसँग आग्रह गरिन् ।

त्यहीँ रहेका कुरुवाले उनलाई सम्झाए, ‘आज मंगलवार हो, वार परेको छैन, भोलि जाने ।’ 

डाक्टर सौरभले लोकान्तरसँग भने, ‘उहाँलाई हिजो मात्रै भेन्टिलेटरबाट यहाँ (आईसीयू)मा सारेको हो । यहाँ ल्याउँदा बाँच्ने सम्भावना निकै कम थियो तर हामीले उहाँलाई यो अवस्थामा ल्याउन सफल भयौं,’ उनले थपे, ‘समयमै भेन्टिलेटर पाउँदा बचाउन सकिन्छ भन्ने उदाहरण हो ।’ 
****

काभ्रेपलाञ्चोकको बनेपा नगरपालिकाका ७७ वर्षीया कृष्ण बैदारले डा. झा नजिकै आइपुग्दा मुस्कुराएर नमस्कार गरे ।

‘अब त म बाँचे डाक्टर सा’ब, २ मा अक्सिजन लगाएको छु । भोलिसम्ममा त अक्सिजन लगाउन पर्दैन होला है,’ बैदारले आशावादी हुँदै भने ।

उनले थपे, ‘अब त म जाने हो, निको भएँ नि हैन ?’ डा. झाले जवाफ दिए, ‘भोलि डिस्चार्ज गर्छौं ।’

केहीबेर डा. झाले उनलाई खुशी कसरी हुने, अक्सिजन कमी भइहालेमा के गर्ने भन्ने सिकाए । बीचबीचमा दुवै जना खुलेरै हाँसे । 

त्यसरी हाँस्ने बैदारको कथा भने अर्कै छ ।

कोभिड देखिएपछि शुरूमा बनेपाको स्थानीय शिर मेमोरियल अस्पतालमा लगियो । त्यहाँ आईसीयू बेड खाली नभएपछि उपचार पाउन सकेनन् । उपचार नपाएर एकपटक त घर फर्काइएको रहेछ ।

‘आईसीयू बेड पाइएन, उहाँ अचेत हुनुहुन्थ्यो, अब बाँच्नुहुन्न भनेर घर लगेको थिएँ,’ राजनले भने, ‘यहाँ (एपीएफ अस्पताल)बाट फोन आएपछि एम्बुलेन्स खोजेर ल्याएँ, केही मिनेट ढिला भएको भए उहाँको हाँसो मैले देख्ने थिइनँ,’ छोराले भने ।

अस्पतालका डाक्टरहरूको गरेको व्यवहार र समयमा नै गरेको उपचारले बुवा बाँचेको उनले बताए । ‘यहाँका डाक्टरहरूको माया र मेहनतले बुवा बाँच्नुभएको हो,’ राजनले आभार व्यक्त गर्दै भने ।

कोरोना भाइरसको संक्रमण भैसकेपछि समाजले गर्ने व्यवहारका कारण गिर्ने मनोबल र समयमा उपचार नपाउँदा कतिपयले ज्यान गुमाउनु परेको डा. झाले बताए ।

कोरोनाका बिरामीलाई छिटो निको पार्नका लागि परिवारको माया, डाक्टरको व्यवहार र औषधिको एकसाथ आवश्यकता पर्ने डा. झाको बुझाइ छ । 

‘अहिलेको अवस्थामा बिरामीलाई निको पार्नको लागि ३ कुराको आवस्यकता छ । परिवारको माया, डाक्टरको व्यवहार र मेडिसिन,’ डा. झाले लोकान्तरसँग भने, ‘हामी (डाक्टर)ले बिरामीलाई गर्ने व्यवहारले आधा रोग निको हुन्छ ।’

अस्पतालमा सबै अक्सिजन बेड

कोरोना भाइरसको (नयाँ भेरियन्ट) दोस्रो लहर आएसँगै अधिकांश बिरामीलाई अक्सिजनको आवश्यकता पर्ने भएकाले एपीएफ कोरोना अस्पतालमा सबै बेडहरू अक्सिजन बेडमा रुपान्तरण गरिएको अस्पतालका कोभिड फोकल पर्सन डीएसपी डा. प्रवीन नेपालले बताए ।

‘हामीले अहिले नर्मल बेडलाई पनि अक्सिजन बेड बनाएका छौं,’ डा. प्रवीनले लोकान्तरसँग भने, ‘अहिले आउने सबैलाई अक्सिजन लगाउनुपर्ने हुन्छ ।’

उनका अनुसार १४० बेड क्षमता भएको अस्पताललाई पछिल्लो समय देखिएको बेड र अक्सिजन अभावलाई परिपूर्ति गर्न २ सय बेड क्षमतामा विस्तार गरिएको छ । सबै बेडमा अक्सिजन उपलब्ध छ ।

१० जना बचाउँदाको खुशीभन्दा १ जना गुमाउँदाको दुःख ठूलो हुँदोरहेछः   डाक्टर झा 

कोरोना संक्रमण लागेर आएकामध्ये अहिलको अवस्थामा १० जनामा २ जनाको मृत्यु भएको छ । मेडिकलको केही सिमित दायरा हुँदा बचाउन खोज्दा पनि केही बिरामी बचाउन नसक्दा धेरै दुःख लाग्ने डीएसपी डा. रोशनकुमार झाले बताए ।

‘कोरोनाका १० जना बिरामी बचाउँदा जति खुशी मिल्छ त्यो बन्दा बढी दुःख एक जना गुमाउनुपर्दा हुनेरहेछ,’ डा. झाले लोकान्तरसँग भने, ‘कतिपयलाई हामीले १०० प्रतिशत इफोर्ट दिँदा पनि बचाउन सक्दैनौं ।’

कसैको मृत्यु हुँदा किन बचाउन सकिएन भन्ने कुरालाई आफूहरूलाई पिरोलिरहने उनले बताए ।

२४ घण्टा पीपीई लगाएर बस्दा गाह्रो हुन्छ, तर आत्मबल बलियो बनाएका छौंः स्टाफ नर्स

एपीएफ अस्पतालमा २४ घण्टा डाक्टरहरू र स्टार्फ नर्स ड्युटीमा खटिएका हुन्छन् । कोरोना महामारीको समयमा बिरामी धेरै आउने भएकाले उनीहरूको पनि ड्युउटी समय थपिएको छ । 

बिरामीको चाप भएको समयमा दैनिक १२ घण्टासम्म लगातार एउटै पीपीई लगाएर बस्दा निकै गाह्रो हुने स्टाफ नर्स इन्स्पेक्टर जानुका न्यौपानेले बताइन् । 

‘अहिले बिरामीको चाप भएको समयमा १२/१२ घण्टा पीपीई लगाएर ड्युटी गर्दा निकै गाह्रो हुन्छ, तर पनि बिरामीको आत्मबल बढाउँदै हाम्रो पनि आत्मबल बढाएर ड्युउटी गरिरहेका छौं,’ इन्स्पेक्टर न्यौपानेले लोकान्तरसँग भनिन्, ‘हामीलाई जति गाह्रो भएपनि बिरामीको उपचार गरिरहेका छौं ।’

समयमा आएका बिरामीलाई भेन्टिलेरबाट पनि बचाएका छौंः डा. सौरभ 

कोरोना भाइरसको संक्रमण भएका गम्भीर प्रकृतिका बिरामीलाई एपीएफ अस्पतालले धेरै नै बचाउन सफल भएको सशस्त्र प्रहरी नायब उपरीक्षक (डीएसपी) डा. सौरभ श्रेष्ठले बताए ।

‘हामीकहाँ समयमै आएका आईसीयूका बिरामीलाई लगभग बचाएका छौं,’ डा. सौरभले लोकान्तरसँग भने, ‘हामीसँग छुट्टै आइसीयू छ, जसमा लेटेस्ट टेक्नोलाजी प्रयोग भएको छ, त्यसैले धेरैलाई भेन्टिलेटरबाट पनि बचाएका छौं ।’

स्वास्थ्य मापदण्ड पूर्ण पालना

कोरोनाभाइरसको संक्रमण भएका बिरामीलाई उपचार गर्नका लागि सशस्त्र प्रहरी अस्पतालले मेडिकल काउन्सिल र स्वास्थ्य मन्त्रालयले अपनाउन भनेको स्वास्थ्य मापदण्ड कडाइका साथ पालना गरेको छ, जसले गर्दा एक वर्षमा कोरोनाका बिरामीलाई उपचार गर्दा पनि २/३ जनाबाहेक अरू डाक्टरहरू संक्रमित नभएको एपीएफ अस्पतालले जनाएको छ । 

‘हामी कहाँ खटिने सिस्टर, पारामेडिक्सलगायत सबै जनाले पीपीई लगायतका स्वास्थ्यका मापदण्ड कडाइका साथ पालना गनुपर्ने हुन्छ,’ डा. रोशनकुमार झाले लोकान्तरसँग भने, ‘त्यसै कारणले निकै कम स्वास्थ्यकर्मीहरू इन्फेक्टेड भएका छन् ।’

सीसीटीभीको माध्यमबाट निगरानी

अघिल्लो वर्ष मन्त्रिपरिषद्ले कोभिड अस्पताल बनाउने निर्णय गरेसँगै सशस्त्रले शुरूदेखि नै बिरामी राख्ने कक्ष र अन्य ठाउँमा सीसीटीभी जडान गरेको थियो । 

जसले गर्दा बिरामीलाई तेस्रो ठाउँबाट हेर्न सकिन्छ । अन्य बिरामीलाई डाक्टर र नर्सहरूले उपचार गरिरहेको बेलामा अरू कुनै बिरामीलाई अप्ठ्यारो परेको छ कि भन्ने निगरानी हुन्छ । यदि कोही बिरामीलाई अप्ठ्यारो परेमा थप डाक्टर र नर्स तुरुन्त खटिन्छन् ।

३ हजारभन्दा धेरै बिरामीको उपचार

नेपालमा कोरोना भाइरसको संक्रमण फैलिएपछि सशस्त्र प्रहरी अस्पतालले ३ हजार ६९ जना बिरामीको उपचार गरेको छ । यसबीचमा अस्पतालमा उपचारका क्रममा ९७ जनाले ज्यान गुमाएको अस्पतालले जनाएको छ ।

hAMROPATRO BELOW NEWS
TATA Below
मंसिर १९, २०८०

पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...

माघ ३, २०८०

गत शनिवार दिउँसो चन्द्रागिरि नगरपालिका वडा नम्बर ४ पानीघाटका तिलक लामा घरबाहिर घाम तापेर बसिरहेका थिए । उनको आँखा एक्कासि घर पारिको सेतोभीरमा पर्‍यो, जहाँ उनले गाडी गुल्टिरहेको देखे । गाडी तल...

माघ ९, २०८०

चक्रपथको दोस्रो खण्ड (कलंकी–महाराजगञ्ज धोबीखोला सडक) स्तरोन्नतिका लागि भनेर सडक भत्काउन थालेको करिब ५ वर्ष बित्यो, तर पनि मुख्य काम अझै शुरू हुन सकेको छैन । भत्किएको सडकका कारण स्थानीय र यात्रुले ...

भदौ १७, २०८०

काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ ।  सरकारी मर्यादाक्रममा मुख्यसचिव ...

मंसिर ७, २०८०

'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...

भदौ २२, २०८०

गोठाटारमा रहेको कृष्ण मन्दिर भारतको गुजराको नवतमपुरी धाम शैलीमा निर्माण भएको मन्दिर हो ।   नवतनधामका नामले परिचित यो मन्दिरमा प्रणामी धर्म मन्ने भक्तजनको भीड लाग्ने गर्दछ ।  श्रीकृष्ण जन्माष्टमीका...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x