१८ असार २०८३, बिहीबार
अमेरिकाको लस एन्जलसमा नीलो कट्टु मात्र लगाएका एक व्यक्तिले चर्चको भवनमा चढेर त्यसमा आगो लगाउन खोजेको भिडियो सार्वजनिक भएको छ ।
आगो लगाउने कोशिश गरी उनी हतारहतार छतबाट हाम्फाल्दै र बिजुलीको तारमा झुण्डिँदै भागेका थिए ।
घटनाको नाटकीय भिडियोमा पहिचान नखुलेका ती व्यक्ति बोयल हाइट्स चर्चमा चढेर त्यसको छतमा राखिएको क्रसमा आगो लगाउन खोजेको देखिन्छ ।
प्रहरी अधिकृतहरू घटनास्थलमा आएपछि ती व्यक्ति भाग्न खोजेका थिए । उनले तीनवटा छतमा हाम्फालेका थिए अनि बिजुलीको तारमा समातेर सडकमा खतरनाक तरिकाले ओर्लिएका थिए ।
आरोपित व्यक्तिको उद्देश्य स्पष्ट हुन सकेको छैन । उनमा मानसिक रोग छ कि भन्ने कुरा पनि खुलेको छैन ।
ती व्यक्तिलाई पछि हिरासतमा लिइएको खबर सीबीएसले दियो । प्रहरीले हेलिकप्टर उपयोग गरेर आरोपितलाई खोजेको बताइएको छ ।
HOLY SMOKE! Half naked guy tries to set church on fire in Boyle Heights. @KTLA @heli_CvP pic.twitter.com/V6STpzNE0b
— Ryder Christ (@RyderChristNews) July 8, 2021
