१४ असार २०८३, आइतबार
भारतको पञ्जाबमा रहेको आबोहार जिल्लामा एक मैमत्त साँढेले एउटा घरभित्र पसेर हंगामा मच्चाएको नाटकीय भिडियो सार्वजनिक भएको छ ।
घरभित्र साँढे पसेपछि त्यहाँ काम गरिरहेका मानिसहरूको भागाभाग भएको छ ।
सीसीटीभी फूटेज हेर्दा त्यो साँढे अर्को साँढेसँग सडकमा जुधेको अनि घरतिर दौडिएको देखिन्छ ।
अर्को साँढेले लखेटेपछि कालोसेतो रंगको साँढे पाँचजनाले काम गरिरहेको घरमा पसेको थियो ।
साँढे पसेपछि कामदारहरू भागेको भिडियोमा देखिन्छ ।
केही समयपछि साँढे बिस्तारै घरबाट निस्किएको र अर्को साँढे गायब भएको देखिन्छ ।
साँढे घरबाट निस्केपछि कामदारहरू घरमा पसेर सरसफाइ गरेको अनि अरूले आएर सहयोग गरेको देखिन्छ ।
