रुसमा ट्राफिक प्रहरीका एक अधिकारीमाथि भ्रष्टाचार र घुसखोरीको आरोप लागेपछि घरमा छापा मार्दा सुनको ट्वाइलेट कमोड भेटिएको छ । 

छापा मार्न गएका अधिकारीहरूले सुनको ट्वाइलेट देखेर चकित भएका छन् । 

आरोपित अधिकारीको घरमा भव्य कोठाचोटा र विलासी साजसज्जा पाइयो । भ्रष्टाचारबाट उनले कमाएको सम्पत्तिको तस्वीर सार्वजनिक गरिएको छ । 

रुसको दक्षिणी भागमा रहेको स्टाभरोपोलमा प्रहरी अधिकृत एलेक्सी सफोनोभ र ६ अन्य व्यक्तिहरूलाई भ्रष्टाचारको केसमा पक्राउ गरिएको छ । 

यिनीहरूले एक आपराधिक समूहलाई परमिट जारी गर्नका लागि घूस खाएको आरोप छ । 

सफोनोभले भ्रष्टाचारको रकमबाट राजदरबार जस्तो घर बनाएका थिए । 

उनी र उनका साथीले एक करोड ९० लाख रुबल घूस खाएको पाइएको छ । 

पक्राउ पर्नेमा पूर्व वरिष्ठ यातायात अधिकारी, यातायात निरीक्षक र चार नागरिक छन् । 

आरोपित अधिकारीहरूको घरमा छापा मार्दा नगद, महंगा कार र दस्तावेजहरू बरामद गरिएको छ ।