परिकार

महंगो तर अत्यन्त लाभदायक ‘पाइन नट’ अर्थात् चिलगोजा

आर. बी. बुढाथोकी
आर. बी. बुढाथोकी

दि सोल्टी होटल काठमाडौंमा 'सुसेफ'को रूपमा कार्यरत बुढाथोकी पाककला र सन्तुलित आहारका विषयमा कलम चलाउँछन् 

महंगो तर अत्यन्त लाभदायक ‘पाइन नट’ अर्थात् चिलगोजा

पाइन नट एक दुर्लभ नटमा पर्छ, जुन सजिलै पाइन्न तर पकवान पेशामा अति नै उपयोगी मानिन्छ ।


Advertisement

झट्ट हेर्दा हामीले नट भन्ने बित्तिकै क्यासु नट, पिनट, वालनट, पिस्ता नट, आलमन्डलाई लिन्छौं तर नटहरूको सयौंथरि उपलब्ध छन्, जस्तो ब्राजिल नट, काकाओ, चेसनट, माकाडामिया, हेजलनट, पेकान्स, पिलीनट्स, सोयानट्स, टाइगरनट्स, सन फलाबर सिड्स, अग्र्यानिक नट्स, बरु नट्स आदि ।


Advertisement

सबै नट्सहरूको आ–आफ्नै विशेषता छन् र त्यसका फाइदा पनि फरक–फरक । तर हामीले कुरा गर्न खोजेको नट्स भने अझ भिन्न खालको र दुर्लभ मानिने पाइन नटको हो । 

पाइन नट्स नेपालमा उत्पादन नहुने हुँदा ज्यादै महंगो मानिन्छ । यो नट्स अन्य नटको तुलनामा अलि महंगै मानिन्छ । तर नेपालको तुलनामा अन्य देशमा केही सहज मूल्यमा उपलब्ध हुने गर्छ ।


Advertisement

बासमती चामलको दानाभन्दा केही ठूलो दानामा उपलब्ध हुने यो नट्स पाइन ट्रीबाट उत्पादन हुने हो । पाइन नट्स महंगो हुनुमा यसको कलेक्सन र प्रोसेसिङका कारण पनि हो ।

पाइन नट्स संकलन गर्दा सबै हातैले मात्र गर्नुपर्ने हुनाले श्रमका हिसाबले पनि महंगो पर्न गएको हो ।  नेपालमा पाइने सल्लाको फल पनि एक किसिमको पाइन नै हो तर यसको व्यावसायिता कम भएका कारण नेपाल भित्रिने पाइन नट्सहरू युरोप तथा चीनबाट आउँछ ।

सल्लाको फलको खबटाबाट अति कष्ट रूपमा निकाल्न सकिने पाइन सिड्सको कमैले मात्र व्यावसायिक खेती गरेका छन् । सामान्यतया हल्का खैरो रंगमा पाइने यो नट मेडिटेरेनियन खानामा व्यापक प्रयोग गरिन्छ ।

पाइन नट्सलाई भारतमा चिलगोजाको नामले चिनिन्छ । नट्सहरूको राजाको रूपमा चिनिने यो नट्सका व्यापक फाइदाहरू छन् । बेफाइदा भनेको कसैकसैलाई एलर्जी हुन सक्छः

१. यदि तपाईं मोटो हुनुहुन्छ र आफ्नो शरीरलाई फिटनेस राख्न चाहनुहुन्छ भने पाइन नट नियमित रूपमा सेवन गर्नुभएको खण्डमा यसले तपाईंलाई फाइदा पुर्‍याउँछ । शरीरको तौल घटाउने सर्वोत्तम औषधिको रूपमा यसलाई लिन सकिन्छ । 

२. म्याग्नेसियम, प्रोटिन, आइरन र चिल्लो पदार्थ प्रशस्त पाइने हुँदा पाइन नट्सको नियमित सेवनले तपाईंलाई शरीरमा पर्याप्त शक्ति प्रदान गरेको हुन्छ ।
 
३. भिटामिन ई र भिटामिन केका कारण तपाईंको मुटुमा हुने विभिन्न जोखिमबाट जोगाउन पाइन नट्सले सहयोग पुर्‍याउँछ । कोलस्ट्रोल समायोजन गर्न र कलेजोलाई स्वस्थ राख्न पनि पाइन नट्सले सहयोग पुर्‍याइराखेको हुन्छ ।

४. पाइन नट्समा भिटामिन ए, बी, सी, डी, ई र लुटिनको लागि पर्याप्त स्रोत भएका कारण यसले मानव शरीरलाई विभिन्न कोणबाट फाइदा पुर्‍याइरहेको हुन्छ । 

५. पाइन नट्सको नियमित प्रयोगले दिमागी चुस्तताको लागि पनि धेरै सहयोग गरेको हुन्छ । 

६. पाइन नट्सले विभिन्न क्यान्सर हुनबाट जोगाएको हुन्छ र हड्डीलाई पनि मजबुती दिएको हुन्छ । 

७. छाला र केशको स्वास्थ्यलाई पनि पर्याप्त रूपमा पाइन नट्सको तेलले सहयोग पुर्‍याएको हुन्छ । गर्भवती महिलाका लागि त झन् पाइन नट्स अमृतसरह मानिन्छ । 

८. आभोगाडोको सलाद या स्मोथीमा राखेर नियमित खानाले मुहारमा चमक बढ्दछ र बुढ्यौलीपन देख्न कम हुन्छ । 

९. दिनमा १५–२० वटा वा ३० ग्राम मात्र पाइन नुट्स खादा स्वास्थ्यबद्र्धक हुन्छ । 

१०. पाइन नट्सलाई खाना तयार गर्दा एक स्टार हिस्साको रूपमा लिइन्छ किनकि यसले तपाईंको खानाको स्वादलाई नै भिन्न र उत्तम बनाइदिन्छ । संसारभरका वरिष्ठ पकवान विशेषज्ञको रोजाइमा परेको यो नट्स प्रायः सबै किचनमा केही हिस्सा जगेरा गरिएको हुन्छ ।

आर. बी. बुढाथोकी
आर. बी. बुढाथोकी

लेखकबाट थप...

कमेन्ट गर्नुहोस्