१९ असार २०८३, शुक्रबार
काठमाडौंबाट दोलखा जादै गरेको बस सिन्धुपाल्चोकको सुनकोशी गाउँपालिका–६ को ७ किलो भन्ने ठाउँमा दुर्घटना भएको छ ।
काठमाडौंबाट रिर्जभ लिएर गएको कान्तिपुर सुपर यातायात प्रालिको बा ४ ख १८०२ नम्बरको बस लामोसाँघु–जिरी सडक खण्डको ७ किलोमा दुर्घटनामा परेको ठूलोपाखर प्रहरी चौकीले बताएको छ ।
बसमा सवार कम्तिमा २० जना घाइते भएको र एक जनाको अवस्था चिन्ताजनक देखिएको घटानस्थलमा रहेका प्रहरीले बताए ।
दुर्घटनास्थलमा घाइतेको उद्धार भइरहेको र थप विवरण केहीबेरमा उपलब्ध गराउने ठूलोपाखर प्रहरी चौकीले बताएको छ ।
काठमाडौं उपत्यकामा चल्ने बस रिजर्भ टीप लिएर दोलखाको चरिकोटको लागि गएको बुझिएको छ । के कारणले दुर्घटना भएको भन्ने खुल्न बाँकी रहेको प्रहरीले बताएको छ ।
