हिन्द महासागरमा अरू शार्कहरूले आक्रमण गरेर जिउ आधा खाइदिएको भए पनि केही मिनेट तैरिएपछि मरेको शार्कको अविश्वसनीय भिडियो सार्वजनिक भएको छ । 

स्पेनका डा मारियो लेब्रातोले यो दुर्लभ भिडियो मोजाम्बिकमा हिन्द महासागरमा सतहभन्दा दुई मिटरमुनि खिचेका हुन् । 

ब्ल्याकटिप शार्कलाई महासागरमा पठाइएपछि विभिन्न १० शार्कले त्यसमाथि आक्रमण गरेका थिए । 

भिडियोमा शार्कमाथि आक्रमण भइसकेको र उसको कोखाको ठूलै भाग चोइटिसकेको देखिन्छ । उसको रगत र मासु पानीमा तैरिरहेको पनि देखिन्छ । 

ठूलो चोट लागे पनि अरूबाट बच्नका लागि ऊ भाग्न खोजिरहेको अनि शिकारी शार्कहरूले उसलाई लखेटिरहेको देखिन्छ ।