१८ असार २०८३, बिहीबार
![हिउँले छोपिएको चन्द्रागिरी पुग्दा जे देखियो [फोटोफिचर]](https://lktcdn2.prixacdn.net/media/Chandragiri_11_un7OhiofnY.jpg)
गएराति देखिको वर्षाका कारण देशका उच्च पहाडी र हिमाली भूभागमा हिमपात भएको छ ।
राजधानी काठमाडौं उपत्यका आसपासका डाँडाहरूमा पनि हिउँ परेको छ । चन्द्रागिरीमा बिहानैदेखि हिउँ परिरहेको छ ।
काठमाडौंबाट नजिकै पर्ने मकवानपुरको सीमभञ्ज्याङ र अघोरमा हिउँ पर्दा काठमाडौं-हेटौंडा यातायात सेवा बुधवार बिहानैदेखि अवरुद्ध भएको छ ।
बाक्लो हिउँ परेपछि बिहान सवा ७ बजेदेखि यातायात अवरुद्ध भएको इलाका प्रहरी कार्यालय पालुङका प्रहरी निरीक्षक श्रीराम तिमल्सिनाले जानकारी दिए ।
काठमाडौंबाट हेटौंडातर्फ र हेटौंडाबाट काठमाडौंतर्फ जाने विभिन्न सवारीसाधन सञ्चालन गर्दा दुर्घटना हुने सम्भावनाको जोखिम देखिएकाले यातायात सञ्चालनमा रोक लगाइएको हो ।
बुधवार बिहान चन्द्रागिरी पुग्दा पूरै डाँडो हिउँले ढाकिएको थियो ।
हिउँ खेल्नका लागि छिटफुट मात्रामा मनिसहरू चन्द्रागिरी पुग्ने क्रम शुरू भइसकेको थियो ।
हेर्नुहोस्, चन्द्रागिरीमा हिमपात :
