०८ असार २०८३, सोमबार
पाकिस्तान मुस्लिम लिग–नवाज (पीएमएल–एन)की उपाध्यक्ष मरियम नवाजले विदेशबाट आएको पैसालाई लिएर प्रधानमन्त्री इमरान खानको आलोचना गरेकी छन् ।
इमरानले पैसा चोर्ने र लुकाउने मात्र नभई जनतालाई पनि लुटेको आरोपसमेत लगाइन् ।
‘इतिहासमा यस्तो गम्भीर ठगी र घोटालाको पछाडि अन्य कुनै पनि पार्टी परेको छैन,’ उनले प्रश्न गरिन्, ‘के पाकिस्तानको इतिहासमा इमरान खानजस्तो भ्रष्ट, झुटो र षड्यन्त्रकारी शासक थिए रु’ पाकिस्तान पिपुल्स पार्टी (पीपीपी)की शाजिया मारीले पनि इमरान खानलाई चोरी भनेकी छन् ।
एक मिडिया रिपोर्टमा इमरान खानको पार्टी पाकिस्तान तहरिक–ए–इन्साफ (पीटीआई)ले विदेशी नागरिक र फर्मबाट पाएको पैसाभन्दा एकदमै कम बताएको र आफ्नो बैंकमा लुकाएको खुलासा भएको थियो । यो खुलासापछि विपक्षी पार्टीले इमरान खानलाई ‘चोर’ सम्मको आरोप लगाए ।
पाकिस्तानी डन पत्रिकाले पीटीआईको कोषको जाँच गरिरहेको पाकिस्तान चुनाव आयोग (ईसीपी) को जाँच समितिको एक रिपोर्टको हवाला दिँदै सत्तारुढ पार्टीले करोडौं सम्पत्ति लुकाएको जनाएको थियो ।
