इन्डोनेसियाका २२ वर्षे युवक सेल्फी बेचेरै करोडपति बनेका छन् । 

सुल्तान गुस्ताफ अल गोजाली नामक यी युवक कम्प्युटर साइन्स पढिरहेका छन् । उनले सेल्फी बेचेरै ११ करोडभन्दा बढी रकम कमाइसकेका छन् । 

गोजालीले गोजाली एभ्रिडे नामक भिडियो प्रोजेक्ट बनाएका छन् । त्यसमा उनले सेल्फीहरू राख्ने गरेका छन् । 

एनएफटी अर्थात् नन फन्जिबल टोकनले गोजालीको प्रोजेक्ट र सेल्फीहरू किनेपछि उनी करोडपति बनेका हुन् । 

एनएफटी डिजिटल प्ल्याटफर्म हो र त्यहाँ ब्लकचेन टेक्नोलोजी उपयोग गरेर सामान खरिदबिक्री गरिन्छ । यस विशेष फोरममा क्रिप्टोकरेन्सी र एनएफटी खरिदबिक्री हुन्छ । 

गोजालीका तर्फबाट सेल्फीलाई लिलामीको साइट ओपनसीमा राखिएको थियो । ४०० भन्दा बढी मानिसले गोजालीको सेल्फी किने । त्यसबाट उनले करोडौं कमाए ।