काठमाडौं उपत्यकामा १२ वर्ष भन्दा कम उमेरका बालबालिकालाई आलोपालो वा सिफ्ट प्रणालीमा कक्षा सञ्चालन गर्ने निर्णय भएको छ । सीसीएमसीको सिफारिसअनुसार आइतबार बसेको उपत्यकाका प्रमुख जिल्ला अधिकारीहरुको बैठकले फागुन १ गतेदेखि यसरी कक्षा सञ्चालन गर्ने निर्णय गरेको हो ।

यस्तै १२ वर्षभन्दा माथिका विश्वविद्यालय, विद्यालय, कलेज, ट्युसन सेन्टर भने स्वास्थ्य मापदण्ड पालना गरेर नियमित सञ्चालन गर्न सकिने निर्णयमा उल्लेख छ ।