आगामी स्थानीय तहको निर्वाचनमा उम्मेदवार बन्ने जनप्रतिनिधिले पदबाट राजीनामा गर्नुपर्ने निर्वाचन आयोगको निर्णयविरुद्ध सर्वोच्च अदालतले अन्तरिम आदेश जारी गरेको छ ।
 
सर्वोच्च अदालतका प्रवक्ता बिमल पौडेलका अनुसार न्यायाधीश बमकुमार श्रेष्ठको इजलासले कारण देखाऊ आदेशसहित कार्यान्वयन नगर्न अन्तरिम आदेश जारी गरेको हो ।
 
हेलम्बु गाउँपालिकाका अध्यक्ष निमाग्याल्जेन शेर्पाले सोमवार दर्ता गराएको रिटमाथि मंगलवार सुनुवाइ भएको थियो ।

चुनावअघि जनप्रतिनिधिले राजीनामा दिँदा स्थानीय तह जनप्रतिनिधिविहीन हुने भएकाले निर्वाचन आयोगले निर्वाचन आचारसंहितामा राखेको प्रावधान हटाउनुपर्ने माग गर्दै शेर्पाले रिट दर्ता गरेका थिए ।