नेपालको लागी हुण्डाईको आधिकारिक विक्रेता लक्ष्मी इन्टरकन्टिनेन्टल प्रालिले  शुक्रवार थापाथलीमा रहेको हुण्डाईको अत्याधुनिक विद्युतिय सोरुममा मिडिया भेला सम्पन्न गरेको छ । 

सो अवसरमा डेडिकेटेड सोरुम, दिगो संचालन र विद्युतिय गाडीको पुर्जाहरुको बारेमा उपस्थितहरूलाई जानकारी गराइएको थियो । 

उक्त अवसरमा सोही सोरुमबाट पाटनको औद्योगिक क्षेत्रमा रहेको हुण्डाइ तालिम केन्द्रमा लगी विभिन्न प्रस्तुती मार्फत् हुण्डाई विद्युतीय गाडीको पुर्वाधार र संचालन सम्बन्धि विभिन्न जानकारी दिइएको थियो । 

यस कार्यक्रमको मुख्य उद्देश्य हुण्डाई विद्युतिय गाडीप्रति चाहना राख्ने र सम्भावित खरिदकर्ताहरुका माझ हुण्डाई नेपालले सस्टेनएबल मोविलिटी र विद्युतीय गाडीका क्षेत्रमा गरेको प्रतिबद्धताहरु र पहलबारे जागरुकता सिर्जना गर्नु भएको कम्पनीले जनाएको छ ।

यसबाट हुण्डाइले वर्षौंदेखि सिर्जना गरेको ब्राण्ड इक्विटीलाई बढाउन मद्दत गर्ने विश्वास कम्पनीले लिएको छ ।

हाल ४० चार्जिङ स्टेसनहरु रहेको र यसलाई आवश्यकता अनुसार बढाउँदै लैजाने कम्पनीले जनाएको छ ।

साथै हुण्डाइको नेपालमा विद्युतीय गाडीको पुर्वाधारमा आक्रामक लगानी गर्ने समेत योजना रहेको छ ।