३१ असार २०८३, बुधबार
नेकपा एमाले पश्चिम नवलपरासीले पालिकाका उम्मेदवारहरू टुंगो लगाएको छ ।
जिल्लामा ३ वटा नगरपालिका र चार वटा गाउँपालिका छन् । जिल्लाको सुनवल नगरपालिका एमालेले महिला नेतृलाई मेयरमा अगाडि सारेको छ ।
सुनवलको मेयरमा विमला अर्याल र उपमेयरमा सूर्य दुबेलाई अगाडि सारिएको एमाले जिल्ला उपसचिव राजन आचार्यले जानकारी दिए । अर्याल गएको निर्वाचनमा पनि मेयर पदमा उम्मेदवार थिइन् । त्यस्तै रामग्राम नगरपालिकामा धनकत यादव र उपमेयरमा लक्ष्मी क्षेत्री उम्मेदवार हुने भएका छन् ।
बर्दघाट नगरपालिका एमालेले जनमुक्तिसँग तालमेल गरेको छ । मेयर धीरज शर्मा बस्याल र उपमेयरमा जनमुक्तिकी तारा राना सूर्य चिह्न लिएर चुनाव लड्ने सहमति भएको आचार्यले जानकारी दिए । त्यस्तै सरावल गाउँपालिकाको अध्यक्षमा सुखाडी चौधरी र उपाध्यक्षमा बास्मती हरिजनलाई उम्मेदवार बनाएको छ ।
त्यस्तै पालिनन्दन गाउँपालिकामा अस्ताव अन्सारी अध्यक्ष र रिंगला यादव उपाध्यक्षको उम्मेदवार बन्नेछिन् ।
सुस्ता गाउँपालिकाको अध्यक्षमा रामप्रसाद पाण्डे र उपाध्यक्ष इन्द्रकुमारी थरुरी उम्मेदवार बन्ने भएकी हुन् ।
प्रतापपुरको अध्यक्षमा खेमनारायण गुरौलाई उम्मेदवार बनाइए पनि उपाध्यक्षको टुंगो अझै लाग्न सकेको छैन । पश्चिम नवलपरासीका धेरै पालिकामा एमालेले उम्मेदवार दोहोर्याएको छ ।
