पाल्पाको दुई नगरपालिकाको प्रमुखमा नेकपा एमालेले शुरुआती अग्रता लिएको छ । तानसेन र रामपुरको प्रमुखमा एमालेले शुरुआती अग्रता लिएको हो । 

यी नगरपालिकाको उपप्रमुखमा पनि एमालेकै अग्रता छ । 

तानसेन नगरपालिकामा वडा नं. १ को २०० मतगणना हुँदा एमालेको तर्फबाट प्रमुखका उम्मेदवार धनेन्द्रराज घिमिरेले ८६ मत ल्याएका छन् । गठबन्धनका तर्फबाट कांग्रेसका सन्तोषलाल श्रेष्ठले ८५ मत ल्याएका छन् । 

त्यस्तै उपप्रमुखमा एमालेकी उम्मेदवार शशी श्रेष्ठले १०४ मत प्राप्त गर्दा गठबन्धनको तर्फबाट माओवादी केन्द्रकी उम्मेदवार प्रतीक्षा सिंजालीले ५५ मत प्राप्त गरेकी छन् । 

रामपुर वडा नं. १ को ११९ मतगणना हुँदा एमालेका उम्मेदवार शिव अर्यालले ६१ मत पाएका हुन् । कांग्रेसको तर्फबाट मेयरका उम्मेदवार रमणबहादुर थापाले भने ३३ मत पाएका छन् । 

रामपुरमा उपप्रमुखमा एमालेकी उम्मेदवार दुर्गादेवी रानाले ६५ मत प्राप्त गरेकी छन् । गठबन्धन तर्फबाट कांग्रेसकी उम्मेदवार बालकुमारी थापाले ३३ मत पाएका छन् । पाल्पामा ८ गाउँपालिकामा पनि यतिबेला मतदान जारी छ । 

माथागढी-८ को अध्यक्षमा नेपाली कांग्रेसतर्फका उम्मेदवार विजयी भइसकेका छन् भने पूर्वखोला गाउँपालिका-१ को अध्यक्षमा एमालेका उम्मेदवार विजयी भइसकेका छन् ।