०९ साउन २०८३, शनिबार
पाल्पाको निस्दी गाउँपालिकामा नेकपा एमाले विजयी भएको छ ।
गाउँपालिका अध्यक्ष, उपाध्यक्षसहित ७ वटै वडामा नेकपा एमाले प्यानलसहित विजयी भएको हो ।
एमालेका मुक्तबहादुर सारु ६ हजार ६५२ मत प्राप्त गर्दै पुनः गाउँपालिका अध्यक्षमा निर्वाचित भएका छन् ।
सारुका निकटतम प्रतिद्वन्द्वी गठबन्धनबाट नेपाली कांग्रेसका गोविन्दप्रसाद अर्यालले ३ हजार ४६६ मत प्राप्त गरेका छन् ।
उपाध्यक्षमा एमालेकी तिरणकुमारी श्रेष्ठ ६ हजार ६३८ मतसहित निर्वाचित भएकी हुन् । उनको प्रतिद्वन्द्वी गठबन्धनबाट नेकपा माओवादी केन्द्रका रामप्रसाद खत्रीले ८३० मत प्राप्त गरेका छन् ।
२०७४ सालको स्थानीय तह निर्वाचनमा निस्दीको वडा नं. १ र ७ मा कांग्रेस र बाँकी वडामा एमालेले विजयी हासिल गरेको थियो । यसपटक भने सबै वडामा एमाले प्यानलसहित विजयी भएको हो ।
गाउँपालिकाको वडा नं. १ मा यमबहादुर राना, २ मा फत्तेसिं दर्लामी, ३ मा नविन्द्र सोती, वडा ४ मा सन्तवीर सुनारी, ५ मा दुर्गाबहादुर सोमै, ६ मा मेखबहादुर सुनारी र वडा नं. ७ मुक्तबहादुर पाताको प्यानल विजयी भएको हो ।
