०७ साउन २०८३, बिहीबार
काठमाडौंको टोखा नगरपालिकामा नेपाली कांग्रेसको तर्फबाट मेयरकी उम्मेदवार रजनी थापाले अग्रता बढाएकी छन् ।
शुरुआती गणनामा पछि परेकी रजनीले सोमवारदेखि अग्रता बढाएकी हुन् । सोमवार साँझसम्मको गणनामा रजनीले ६ हजार २९८ मत पाएकी छन् ।
नेकपा एमालेका प्रकाश अधिकारी ६ हजार ८२ मतसहित दोस्रो स्थानमा छन् ।
माओवादीका शेखर श्रेष्ठले ८३१ मत पाएका छन् । उपमेयरमा कांग्रेसका मुरारी तामाङ ५ हजार ४३ मतसहित अग्रस्थानमा रहँदा एमालेकी ज्ञानमाया डंगोल ४ हजार ६ सय मतसहित दोस्रो स्थानमा छिन् ।
२०७४ सालको चुनावमा टोखा नगरपालिका एमालेले जितेको थियो । यसअघिका मेयर अधिकारी यसपटक पनि उम्मेदवार छन् ।
