पोखरा महानगरपालिकाको मेयर पदमा सत्ता गठबन्धनबाट नेकपा एकीकृत समाजवादीका धनराज आचार्यले अग्रता कायमै राखेका छन् ।

पोखरामा ४४ हजार ६ सय १६ मत गणना हुँदासम्म आचार्यले नेकपा एमालेका कृष्ण थापालाई २ हजार ३३ मतले पछि पारेका छन् ।

आचार्यले १८ हजार ४ सय ६२ मत प्राप्त गरेका छन् भने एमालेका थापाले १६ हजार ४ सय २९ मत ल्याएका छन् । राप्रपाका शंकर खरालले १ हजार ८ सय ३० र स्वतन्त्रका अटेरी उम्मेदवार गनेस पौडेलले ९ सय ७५ मत प्राप्त गरेका छन् ।

उपमेयरमा एमालेकी मञ्जुदेवी गुरुङ १८ हजार ७ सय ३१ मत ल्याएकी छन् ।

उनका निकटतम प्रतिद्वन्द्वी  नेपाली कांग्रेसकी उम्मेदवार कोपिला रानाभाटले  १८ हजार ६ सय ४९ मत प्राप्त गरेकी छन् ।

राप्रपाकी रञ्जना सेनले १ हजार ६ सय २१ मत प्राप्त गरेकी छिन् ।