१९ असार २०८३, शुक्रबार
काठमाडौं महानगरपालिकाको मेयर पदमा स्वतन्त्र उम्मेदवार बालेन शाहले अग्रता कायम राखेका छन् ।
१ लाख १० हजार ५३३ मतगणना गर्दा महानगरमा बालेनको पक्षमा ३९ हजार ५१५ खसेको छ ।
उनका निकटतम प्रतिद्वन्द्वी नेपाली कांग्रेसकी सिर्जना सिंहले २२ हजार २७० मत ल्याएकी छन् ।
शाह सिंहभन्दा १७ हजार २४५ मतले अगाडि रहेका छन् ।
यस्तै नेकपा एमालेका उम्मेदवार केशव स्थापितले २१ हजार ७७५ मत पाएका छन् ।
स्थापितसँग शाहले १७ हजार ७४० मतले अग्रता कायम राखेका छन् ।
वैशाख ३० गते सम्पन्न स्थानीय तहको निर्वाचनको मतगणना अझै पनि भइरहेको छ ।
