स्थानीय तहमा निर्वाचित जनप्रतिनिधिको कार्यकाल पूरा नभएको भन्दै चुनावको मिति सार्न मुद्दा दिएका सञ्जीवकुमार साह महोत्तरी भंगाहा नगरपालिकाको मेयरमा दोहोरिएका छन् ।

लोकतान्त्रिक समाजवादी पार्टी नेपालबाट ५ हजार ६१७ मत ल्याएर उनी निर्वाचित भएका हुन् । 

उनका निकटतम प्रतिद्वन्द्वी नेपाली कांग्रेसका विजय मण्डलले ५ हजार ३५४ मत, नेकपा माओवादी केन्द्रका राजनारायण राय थारुले ४ हजार ५३४ मत ल्याएका छन् ।

२०७४ को स्थानीय निर्वाचनमा पनि साह नै निर्वाचित भएका थिए ।

गत निर्वाचनमा राष्ट्रिय जनता पार्टी नेपालबाट ४ हजार ४७८ मत ल्याएर उनी निर्वाचित भएका थिए । नेकपा माओवादी केन्द्रका राजनारायण यादवले ३ हजार ६६ मत ल्याएका थिए ।