×

तारमा चढ्दिनँ, अब पुग्यो; चान्स पाए कलाकार बन्ने हो- माइला [भिडियो]

असार २७, २०७९

नुवाकोटमा बिजुलीको पोल हुँदै तारमा बसेर चर्चित बनेका ४२ वर्षीया माइला विक अर्थात् हिमबहादुर सुनार यतिबेला काठमाडौंको चन्द्रागिरी नगरपलिका पुरानो नैकापस्थित सूर्योदय नेपाल सुधार केन्द्रमा छन् ।

उनलाई भेट्न सुधार केन्द्रमा पुग्दा उनी प्रहरीको पोशाकमा भेटिए । प्रहरीको पोशाकबारे उनले भने, ‘म तारमा चढ्दा नाङ्गै थिएँ । प्रहरी दाइहरूले मेरो माया लागेर मलाई यो कपडा दिनुभएको हो । मैले जागिर खाएर पाको होइन ।’ 


Advertisment

नवजीवन परोपकार समाजमा २ दिन बसेर मानसिक अस्पताल पुर्‍याई उपचार गरी हाल सुधार केन्द्रको संरक्षणमा राखिएका छन् । चिकित्सकको सल्लाहमा उनलाई दैनिक ४ चक्की औषधि सेवन गर्न दिइने गरेको सञ्चालक उदय न्यौपानेले बताए ।


Advertisment

‘अहिले उहाँ पूरै रेस्टमा हुनुहुन्छ,’ सञ्चालक न्यौपानेले भने ।

आइतवार साँझको समयमा भेट्न पुग्दा माइला दाइ अलि गम्भीर देखिन्थे । उनले जीवनमा माया पाए जिउन सजिलो हुने निष्कर्ष सुनाए । ‘जीवनमा सानो कीरालाई पनि माया गरे उसले पनि हामीलाई बचाउँदो रहेछ भन्ने कुरा यो संस्थामा आएर सिक्न पाए,’ उनले भने ।

घर वरिपरि मात्र बसेर कसैले चिन्दैनन्, कि त मरिन्छ कि त फेमस भइन्छ भनेर त्यो तारमा चढेको थिएँ । मर्न त मरिनँ तर फेमस भएँ,’ ठट्यौली शैलीमा उनले सुनाए ।

‘अब पोलमा कहिल्यै पनि चढ्ने छैन । फेमस भइहाले, बरु मौका मिल्यो भने कलाकारिता गर्ने इच्छा छ । नत्र गाउँमा गएर खनजोत गर्ने हो,’ उनले ठट्यौली शैलीमा भने, ‘मेरो कलाहरू के–के छन् ? कस्तो–कस्तो छन् ? त्यो सबै रहर म जन्मेदेखि पूरा गर्न पाएको छैन । अब म जति समय रहन्छु, मेरो सबै रहर मेट्छु । मलाई टीभीमा खेल्न बोलाएदेखि म खेल्न जाने नै हो । कसैको पनि माया नपाएर त्यस्तो गरेको थिएँ, अब उपरान्त कहिल्यै उपद्रो काम गर्ने छैन ।’

स्वास्थ्य अवस्थाबारे बताउँदै उनले भने, ‘मेरो छातीको हड्डी भाँचिएको छ । यसको एक्स–रे गर्ने कुरा चलिरहेको थियो, त्यसपछि अरु खासै केही पनि छैन । खुट्टामा सामान्य घाउ थियो, त्यो पनि औषधि लगाएर बिसेक भइसकेको छ ।’

उनले थपे, ‘यो संस्थामा आएदेखि म दैनिक नुहाउँछु, बिहानै उठ्छु, अरु सबै जना दाजुभाइ अरु–अरु काममा व्यस्त बन्नुहुन्छ, मलाई त केही पनि गर्नु पर्दैन, खाना, नास्ता खान्छु रेस्ट गर्छु, बस्छु रमाइलो भइरहेको छ ।’

संस्थाका सञ्चालक उदय न्यौपानेका अनुसार माइला दाइलाई अहिले माया र रेस्टको खाँचो रहेको छ । उनले भने, ‘त्यो तारमा चढेको दिनपछि यहाँ ल्याएको दिनभन्दा अहिले २६ दिनमा उहाँमा त्यो बेलाको जस्तो मानसिकता नै परिवर्तन भइसकेको छ । सोचाइमा नै परिवर्तन आइसकेको छ अहिले ।’ 

हेर्नुहोस् भिडियोः

भदौ ३१, २०८०

रुकुम पश्चिमको आठबीसकोट नगरपालिकाकी कुमारी थापा मुटु दुख्ने समस्याले छट्पटिएको लामो समय भयो । यसबीचमा उनी कहिले घरबाट २/३ घण्टा हिँडेर स्थानीय स्वास्थ्यचौकी पुगिन् त कहिले उपचारका लागि भनेर सदरमुकाम मुसिक...

असोज १२, २०८०

खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...

मंसिर ७, २०८०

'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...

माघ ३, २०८०

गत शनिवार दिउँसो चन्द्रागिरि नगरपालिका वडा नम्बर ४ पानीघाटका तिलक लामा घरबाहिर घाम तापेर बसिरहेका थिए । उनको आँखा एक्कासि घर पारिको सेतोभीरमा पर्‍यो, जहाँ उनले गाडी गुल्टिरहेको देखे । गाडी तल...

भदौ २५, २०८०

साउन २ गते समातिएको ६० किलो सुन तस्करीको अनुसन्धानका क्रममा भन्सारका कर्मचारीहरू पक्राउ पर्न थालेपछि उनीहरू आन्दोलित भएका हुन् ।  सामुहिक सरुवा माग गरेका कर्मचारीले सरुवा नभएपछि आइतवारदेखि आन्दोलन श...

भदौ १७, २०८०

काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ ।  सरकारी मर्यादाक्रममा मुख्यसचिव ...

को होला त्यो ?

को होला त्यो ?

असार ८, २०८१

जीवन बनायो कसले, जगत् बसायो कसले ? अनि यिनलाई चलायो कसले, बोलायो कसले ? तर्क आ–आफ्नै हुन्छन्, हुन सक्छन् । कसैले केही भन्लान्, कसैले केही । वेद भन्छ– ‘एकं सद् विप्रा बहुधा वदन्ति ।’ अर्था...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

x