तपाईँलाई कुकुर कति प्रिय लाग्छ ? अनि त्यो कुकुरका लागि तपाईँले के–के गर्नुहुन्छ ?

यहाँ एक परिवार कुकुरलाई गरेको प्रेमका कारण यतिखेर चर्चामा छ ।

घटना अष्ट्रेलियाको हो । त्यहाँ एक परिवारले घरपालुवा कुकुर पाले र त्यसको मृत्यु भएपछि उनीहरूले अनौठो काम गरे ।

मिडिया रिपोर्टका अनुसार सो परिवारमा सेतो कुकुर पालिएको थियो । 

यो कुकुर उनीहरूलाई धेरै प्यारो थियो तर अचानक त्यो कुकुरको कुनै रोगको कारण मृत्यु भयो। यसपछि परिवार निकै दुःखी भयो । 

यो कुकुरलाई गाड्नुको सट्टा परिवारले यसको सम्झना आफूसँग राख्ने निर्णय गर्‍यो । 

त्यो परिवारले कुकुरको सम्झना आफूसँगै राख्नका लागि उसको छाला पूर्ण रुपमा हटायो । 

मिडिया रिपोर्टका अनुसार परिवारले सो कुकुरको छालाको गलैंचा बनाएर आफ्नो घरमा नै राख्यो । 

भाइरल भिडियोमा कुकुरको छाला मात्रै देखिए पनि भिडियो हेरेर मानिसहरु आक्रोशित बनेका छन् ।

यो घटना जनावर विरुद्धको हिंसालाई बढावा दिने खालको भएको भन्दै सामाजिक सञ्जालमा चर्को आलोचना भएको छ ।