प्रतिनिधि सभातर्फ एउटा मात्र निर्वाचन क्षेत्र रहेको दार्चुलाबाट नेपाली कांग्रेसका दिलेन्द्रप्रसाद बडू निर्वाचित भएका छन् । सत्तारुढ गठबन्धनका साझा उम्मेदवार रहेका बडू नेकपा एमालेका गणेशसिंह ठगुन्नलाई पराजित गर्दै प्रतिनिधि सभा सदस्य पदमा निर्वाचित भएका हुन् । 

अन्तिम मत परिणामअनुसार बडूले २८ हजार ५१५ मत प्राप्त गरेका छन् । उनका निकटम प्रतिष्पर्धी एमालेका ठगुन्नाले २६ हजार ३८१ मत प्राप्त गरे । उद्योग वाणिज्य तथा आपूर्ति मन्त्रीसमेत रहेका बडूले ठगुन्नलाई २ हजार १३४ मतान्तरले पराजित गरेका हुन् ।