२७ असार २०८३, शनिबार
सवारी दुर्घटनामा परेर घाइते भएकी लोकदोहोरी मोडल साया भण्डारीलाई राष्ट्रिय लोक तथा दोहोरीगीत प्रतिष्ठानको कलाकार कल्याणकारी कोषबाट आर्थिक सहयोग गरिएको छ ।
मंसिर १० गते सवारी दुर्घटनामा परेकी भण्डारीको थापाथलीस्थित नर्भिक अस्पतालमा उपचार भईरहेको छ । प्रतिष्ठानका अध्यक्ष रमेश बिसी, पूर्व अध्यक्ष बद्री पंगेनी लगायतको टोली बिहीबार बिहान अस्पताल पुगेर ५० हजार रुपैयाँ आर्थिक सहयोग प्रदान गरेका छन् ।
प्रतिष्ठानका अध्यक्ष बिजी, पूर्व अध्यक्ष पंगेनीले मोडल भण्डारीको शिघ्र स्वास्थ्यलाभको कामना गर्दै आर्थिक सहयोग प्रदान गरेका हुन् ।
मोडल भण्डारीको स्वास्थ्यमा क्रमिक रुपमा सुधार आईरहेको छ । स्वास्थ्यमा सुधार आईरहेको र एक/दुई दिनमै डिस्चार्ज हुने तयारीमा रहेको प्रतिष्ठानका अध्यक्ष बिजीले बताए । उदियमान मोडल भण्डारीले केही आधुनिक तथा थुप्रै लोकदोहोरी गीतको भिडियोमा मोडलिङ गरेकी छिन् ।
प्रमोद खरेलदेखि विष्णु माझीसम्मले स्वर दिएका गीतको म्युजिक भिडियोहरुमा समेत उनले मोडलिङ गरेकी छिन् ।
