मंसिर १६, २०८०
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
कुनै समय चर्चित गायक/गायिकाले स्वर दिएपछि ती गीतहरू प्रायः चल्थे । फलानो गायक/गायिकाले गाएको गीत भनेर चर्चा हुन्थ्यो ।
चलेका मोडलहरूलाई अभिनय गराउँदा अझ चर्चा बढ्थ्यो । उनीहरूको नामले भिडियोको यूट्युब भ्युजमा फाइदा पुर्याउँथ्यो ।
लगानीकर्ताहरू पनि चलेका कलाकारलाई भिडियोमा खेलाउन मरिहत्ते गर्दथे । त्यो क्रम अहिले पनि जारी छ ।
यद्यपि अहिले चर्चित कलाकारहरूको नामले भिडियो चल्ने अवस्था देखिँदैन । कलाकारको नामले भिडियो चल्ने अवस्था अहिले नरहेको स्वयं निर्देशकहरू बताउँछन् ।
नाम चलेका कलाकारहरूका थुप्रै म्युजिक भिडियो भेटिन्छन्, जसले यूट्युबमा १ लाख पनि भ्युज पाएका छैनन् । चलेका कलाकारका कतिपय भिडियोले उनीहरूले लिएको पारिश्रमिक जति पनि भ्युज नपाएको देखिन्छ ।
यता कतिपय नाम नचलेका कलाकारहरूको भिडियोले पनि यूट्युबमा राम्रो भ्युज पाइरहेका हुन्छन् ।
निर्देशक निकेश खड्का अहिले कलाकारहरूको नामले भिडियो चल्ने अवस्था नरहेको बताउँछन् । ‘अहिले कुनै कलाकारहरूको नामले भिडियो चलेको अवस्था देखिँदैन,’ उनले लोकान्तरसँग भने, ‘अलि अगाडिसम्म राम्रो च्यानलबाट भिडियो आउँदा भ्युज केही राम्रो जान्थ्यो, अहिले त्यो माहोल पनि देखिँदैन । टिकटकमा अलि चलिदिएको गीतको भने यूट्युबमा भ्युज बढिरहेको देखिन्छ । नत्र भने समग्रमा भिडियोको भ्युज खासै गइरहेको छैन ।’
यो अभिनेता वा अभिनेत्री, त्यो मोडलको भनेर अहिले भिडियो चल्ने अवस्था नरहेको उनले दाबी गरे ।
हिट चलचित्रकी अभिनेत्री उपासनासिंह ठकुरी हालसालै पहिलोपटक म्युजिक भिडियोमा देखिइन् । यद्यपि उनको पहिलो म्युजिक भिडियोले यूट्युबमा १ लाख पनि भ्युज पाउन सकेको छैन ।
निश्चल बस्नेत र स्वस्तिमा खड्काको जोडीको अभिनय रहेको पछिल्लो गीत ‘यो मुलाइ मस्किन्छे’ले पनि यूट्युबमा राम्रो भ्युज पाउन सकेन ।
‘उपासनाले खेलेको भिडियोको भ्युज खास्सै गएन । अस्ति निश्चल बस्नेत दाइहरूले गरेको भिडियो पनि चलेन,’ निर्देशक खड्काले भने, ‘म्युजिक भिडियो धेरै आएर हो कि किन हो ? चलिरहेका छैनन् । अहिले भिडियो चल्ने पनि कम र बन्ने पनि कम भएको छ ।’
अर्का निर्देशक काजिश श्रेष्ठ पनि खड्काको कुरामा सहमत छन् । उनी कलाकारहरूको नामबाट भिडियोको भ्युजलाई फाइदा पुर्याउने अवस्था नदेखिएको हुनाले पछिल्लो समय लगानीकर्ताहरू समेत हिच्किच्याइरहेका बताउँछन् ।
‘जोसुकै चलेको कलाकारलाई लिँदा लगानी सुरक्षित हुन्छ भन्ने अवस्था अहिले देखिएन । सोही कारण अहिले जोकोहीले खुलेर लगानी गरिरहेका छैनन्,’ श्रेष्ठले भने ।
गत वर्षसम्म कलाकारहरूको नामले भिडियोको भ्युजलाई फाइदा पुर्याउँथ्यो । अभिनेता पल शाहले अभिनय गरेका अधिकांश भिडियोले यूट्युबमा राम्रो भ्युज पाउने गरेको श्रेष्ठले स्मरण गरे ।
‘पलजीको गीतले राम्रो भ्युज पाउँदा लगानीकर्ताहरू हौसिन्थे, उनीहरूले एकपछि अर्को भिडियोमा लगानी गर्थे,’ श्रेष्ठले भने, ‘अहिले त्यो खालको कोही मोडल देखिएनन् ।’
राम्रो अडियो छ भने भिडियोमा जोकोही कलाकारलाई खेलाउँदा पनि हुने अवस्था अहिले रहेको उनले बताए । पहिले राम्रो अडियोको भिडियो बनाउँदा त्यसमा चलेको कलाकार लिँदा भ्युजमा निकै फाइदा पुर्याउने गरेको उनले स्मरण गरे ।
‘सर्वप्रथम अडियो बलियो हुनुपर्यो । यो कलाकार राख्दा भ्युज धेरै जान्छ भन्ने अवस्था रहेन,’ स्पष्ट पार्दै उनले भने, ‘टिकटकबाट आएका नयाँ कलाकार खेलाउँदा पनि कतिपय भिडियोले राम्रो भ्युज पाइरहेका छन् । स्टार भनिएका कलाकार खेलाउँदा पनि कतिपय भिडियोको भ्युज लाजमर्दो छ ।’
कोरियोग्राफर रामजी लामिछाने एकसमय दिनैपिच्छे म्युजिक भिडियोको सुटिङमा व्यस्त हुन्थे । चल्तापुर्जा कोरियोग्राफर उनी महिनामा २२ वटासम्म म्युजिक भिडियोमा काम गर्थे । पछिल्ला महिना भने म्युजिक भिडियोमा उनको...
लोक गायक अर्जुन सापकोटाका अफिसियल प्रायः गीतले स्रोता–दर्शकको माया पाउने गरेका छन् । उनले तीन साताअघि शान्तिश्री परियारसँगको स्वरमा सार्वजनिक गरेको ‘न सोध पिर के को ?’ले युट्युबमा ...
साङ्गीतिक क्षेत्रमा छोटो समयमै नाम र दाम दुवै कमाएकी गायिकामा पर्छिन् रचना रिमाल । करिअर सुरु गरेको ३ वर्षको अवधिमै उनले १२ सय हाराहारी गीतमा स्वर दिइसकेकी छन् । थुप्रै देशमा पुगेर आफ्नो स्वर गुञ्जाइस...
युवा लोकगायक अर्जुन सापकोटाले दाङको हापुरे महोत्सवमा दर्शक झुमाएका छन् । आइतवार मुख्य आकर्षणका रुपमा उपस्थित उनले आफ्ना चर्चित गीतहरू प्रस्तुत गरे । ‘हावा चिसो चिसो’, ‘पानी परेको...
‘यो मेरो पिरती’ बोलको लोकदोहोरी गीत गाउँदै कमला मगरले गायनमा डेब्यु गरेकी छन् । अहिलेका चर्चित गायक खेम सेञ्चुरीसँग उनले यो गीतमा स्वर दिएकी हुन् । रमेश परियारको शब्द एवं संगीत, कृ...
लोकदोहोरी र आधुनिक गीतमा रुचाइएका गीतकार एवं संगीतकार राजकुमार बगरको स्वरमा ‘आँखैमा थियौ सानु’ बोलको गीत सार्वजनिक गरिएको छ । बगरकै शब्द एवं संगीत रहेको गीतमा उनीसँगै चर्चित गायिका...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...