मंसिर १३, २०८०
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
छोराछोरी छन्, तर आफूहरूसँग छैनन् । कोही गाउँमा रहेका बुबा–आमाभन्दा टाढा सहरमा आफ्नै सपनाको खातिर दौडिएका छन् ।
कोही सहरमा रहेका बुबा आमाभन्दा टाढा विदेशमा सपना सजाउँदैछन् । बुबा आमासँग संगै भएकाहरू पनि आफ्नै काममा व्यस्त छन् ।
अहिलेको व्यस्त समाजमा त्यस्ता थुप्रै बुवाआमा छन्, जो सन्तान भएर पनि एक्लो छन् । शुक्रवारबाट प्रदर्शनमा आएको ‘फूलबारी’ एउटा त्यस्तै सामाजिक पारिवारिक नेपाली फिल्म हो, जसले बुबाआमाले सन्तानबाट खोज्ने साथ र सन्तानको बुबाआमाप्रतिको जिम्मेवारीको कथा पेश गर्छ ।
झण्डै ३ दशक शिक्षण पेशामा रहेर सेवानिवृत भएका जयनारायण शर्मा (विपिन कार्की) र उनकी श्रीमती लक्ष्मी शर्मा (अरुणा कार्की) दम्पतीको वरिपरी फिल्मले २ घण्टा १० मिनेट फन्को मार्छ ।
पहाडी जिल्लाको एउटा गाउँमा बस्ने उनीहरूका तीन छोराहरू छन्, तर साथमा कोही छैनन् । छोराहरू चाडपर्वमा मात्र घर आउँछन्, दुई–तीन दिन बस्छन् अनि फर्किन्छन् । जयनारायण र लक्ष्मी दम्पतीको जीवनमा त्यतिबेला उतारचढाव आउँछ, जब लक्ष्मी विरामी भएपछि डाक्टरले सुविधासम्पन्न अस्पतालमा लगेर उपचार गर्न सुझाउँछन् ।
जयनारायण आफ्नो घर छिमेकीलाई जिम्मा लगाएर श्रीमतीको उपचारका लागि काठमाडौं लाग्छन् । काठमाडौंमा उनको जेठो छोराको घर छ । उनी एक फ्याक्ट्रीको व्यवस्थापक छन् । बुहारीको पनि राम्रै काम छ ।
माइलो छोरा पनि काठमाडौंमै डेरा जमाएर बसेका छन् । उनी संगीतमा करिअर बनाउने सपना बोकेर हिँडेका छन् । कान्छो छोरो अष्ट्रेलियाउडने तरखरमा छ ।
उपचारका लागि भनेर काठमाडौं पुगेका जयनारायण र लक्ष्मीलाई छोराहरूले कत्तिको समय दिन्छन् । बुहारीले कस्तो व्यवहार गर्छिन् ? त्यसपछि आउने उतारचढाव नै फिल्मको कथा हो ।
फिल्ममा छोराहरूको भूमिकामा सोमनाथ खनाल, अनुपम शर्मा र मनिष ढकालको अभिनय छ । प्रियंका कार्की बुहारीको भूमिकामा छिन् । दयाहाङ राई गाउँले छिमेकीको भूमिकामा प्रस्तुत छन् । शिल्पा मास्के विशेष भूमिकामा छिन् ।
विपिन कार्कीको अभिनय यसमा उम्दा लाग्छ । उनले आफ्नो वास्तविक उमेरभन्दा झण्डै दोब्बर उमेरको भूमिका यसमा निर्वाह गरेका छन् ।
अरुणा कार्की, अनुपम शर्मा, दयाहाङ राई, प्रियंका कार्की लगायत सबैको अभिनय स्वभाविक लाग्छ । छोराको भूमिकामा देखिएकामध्ये अनुपमको अभिनय छोटो तर निकै प्रशंसायोग्य छ ।
फिल्मको बलियो पक्ष संवाद, छायाँकन र ब्याकग्राउण्ड स्कोर हो । त्यस्तै यसको राम्रो पक्ष गीतसंगीत पनि हो । ‘माया रैछ र भर रैछ नी’ लगायतका गीतलाई कथावाचनको रुपमा प्रयोग गरिएको छ ।
यसको कथा र कथावाचन शैली भने पुरानै छ ।
मध्यान्तरअघि फिल्मको गति पनि सुस्त छ । परम्परागत कथ्यशैलीलाई भत्काउँदै ‘कबड्डी’ जस्तो सशक्त फिल्म दिएका निर्देशक रामबाबु गुरुङ फेरी पुरानै शैलीमा फर्किएको भाव फिल्मले दिन्छ ।
उनीजस्तो निर्देशकबाट यो भन्दा माथिल्लो स्तरको फिल्मको अपेक्षा हुन सक्छ ।
नयाँपन खोज्ने दर्शकका लागि यो मल्टिस्टारर ‘फूलबारी’ रुचीकर नहुन पनि सक्छ, तर पारिवारिक फिल्म रुचाउने दर्शकले भने पक्कै रुचाउनेछन् ।
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...