०३ साउन २०८३, आइतबार
यही चैतको २४ गतेबाट रिलिज हुन लागेको फिल्म ‘प्रसाद २’ले बक्स अफिसमा सुखद कमाई गर्ने अपेक्षा फिल्मकर्मी, यसको निर्माणपक्ष र वितरकमा छ ।
फिल्मको ट्रेलर सार्वजनिक भएसँगै नै यसले चर्चा पनि पाइरहेको छ ।
यसैबीच, निर्माण टिमले फिल्ममा समावेश पहिलो गीत ‘मार्सी धान’ मंगलवार रिलिज गरेको छ ।
ओएसआर डिजिटलबाट सार्वजनिक गरिएको गीतमा राजनराज शिवाकोटी र मिलन नेवारको स्वर, राजनराजकै शब्द तथा संगीत छ ।
लोकशैलीमा तयार पारिएको गीतले दर्शक तथा श्रोताको मन जित्ने विश्वास निर्माण टिममा छ । यो गीतको भिडियोलाई विक्रम स्वारले कोरियोग्राफी गरेका छन् ।
गीतको भिडियोमा फिल्मका मुख्य कलाकारद्वय विपिन कार्की र केकी अधिकारीको साथमा म्युजिक भिडियोमा जमेको जोडी सरोज अधिकारी र आश्मा विश्वकर्माको नृत्य हेर्न सकिन्छ ।
सुदर्शन थापाको निर्देशन रहेको ‘प्रसाद २’मा अर्पण थापा, महेश त्रिपाठी लगायतका कलाकारको पनि मुख्य भूमिका छ ।
राजेश श्रेष्ठको छायांकन रहेको फिल्ममा मिलन श्रेष्ठको सम्पादन छ । सुशील पौडेलको लेखन, सुदर्शन बस्नेतको निर्माण रहेको फिल्मको प्रस्तुतकर्ता सुभाष थापा हुन् ।
